Яармагийн дэнжийн урд талд тэр чигээрээ бүтээн байгуулалт өрнөж, ажил бужигнаж байна. Бидний мэдэхээс хотын захиргааны шинэ байр лаю тэнд баригдаж байгаа. Үүнээс гадна тансаг зэрэглэлийн болон энгийн орон сууцнууд ганц нэг хувийн сургуулиуд хэдийнэ үүд хаалгаа нээчихсэн Байшин барьж хүмүүс ажиллаж амьдрал өрнөж байгаа нь сайхан л даа. Гэхдээ тэнд амьдрах ирээдүйн оршин суугчдын төлөө санаа зовоод байх юм. Шинэ хорооллынхон амьдрах гэж авсан байр сууцнаасаа болж өдөржин шөнөжин түгжрэлд саатаж, уурлаж бухимддаг болчихвол тэртэй тэргүй том асуудал болчихсон нийгмийн стресс ахиад л нэмэгдэнэ.
Хороолол бүр дэргэдээ сургууль цэцэрлэгтэй эмнэлэгийн үйлчилгээ авах боломжтой тийм л энгийн орчныг бүрдүүлж байж амьдралын наад захын хэрэглээг хангах учиртай. Яармагийн урд тийм төлөвлөлт байна уу гэдэг нь эргэлзээ төрүүлж байна. Монголын гайгүй хөрөнгөлөг хэсэг нь амьдардаг Зайсан л гэхэд ямар ч төлөвлөлтгүй. Тэнд амьдрагсад хүүхдүүдээ хотын төв рүү зөөж эмчлүүлэх гэж төв рзз зүтгэдэг. 13 дугаар хороолол, Баянмонгол хороолол хавийнхан ч ийм битүү цементэн ширэнгэ дунд амьдардаг. Ороод амьдрахад таатай байрнаас гадна орчин нөхцөл тааламжтай бол нөхцөл тааламжтай бол амьдрал чанартай байна. Тийм л чанарыг амлахгүй бол хүмүүсийн стресс арилахгүй, хотын түгжрэл хэвээрээ байна гэдгийг хот төлөвлөлтийнхөн анзаарч байгаа бизээ.
Эх сурвалж: Өдрийн сонин
Сэтгэгдэл (0)
Сэтгэгдэл бичигдээгүй байна