ЮНЕСКО нь Сэтгүүлчдийн эсрэг гэмт хэргийг шийтгэлгүй өнгөрөөхийг эсэргүүцсэн олон улсын өдрийг тохиолдуулан мэдэгдэл гаргаж мэдээллийн хэрэгслүүдийн эсрэг чигэлсэн хүчирхийлэлд онцгой сонор сэрэмжтэй байхыг уриаллаа. ЮНЕСКО-ийн мэдээлж буйгаар 2006-2018 онуудад дэлхий даяар албан үүргээ гүйцэтгэж явсан 1109 сэтгүүлч амиа алдсан байтал сэтгүүлчдийн эсрэг гэмт хэрэг үйлдсэн хариуцлагыг үүрэг ёстой хүмүүсийн 90 хувь нь ямар ч шийтгэл хүлээгээгүй явааг онцгойлон дурджээ.
2017-2018 онуудад үйлдэгдсэн сэтгүүлчдийн амь насанд хүрсэн гэмт хэргийн 55 хувь нь зэвсэгт мөргөлдөөнөөс ангид улс орнуудад болсон гэдгийг ЮНЕСКО мөн онцолсон байна. 2019 оны эхний арван сарын байдлаар амиа алдсан сэтгүүлчдийн тоо өмнөх оны мөн үеийнхээс тодорхой хэмжээгээр цөөрсөн ч үйл явдлын талаарх мэдээллийг хүргэхдээ баримталсан зарчмын байр сууринаас болж хохирсон сэтгүүлчдийн тоо ихээхэн нэмэгдээд байгаа аж.
ЮНЕСКО-ийн Ерөнхий захирал ОдриАзуле нь сэтгүүлчдийг аюултай байдалд оруулах, сэтгүүлчдийн амь насанд халдах, сэтгүүлчдийн эсрэг үйлдэгдсэн гэмт хэргийг мөрдөлгүй зөнд нь орхих зэрэг зэрэг хэргийг мөрдөн байцааж тодруулахыг ЮНЕСКО дэмжиж байгаа гэдгийг албан ёсоор мэдэгдсэн байна.
2013 онд НҮБ-ын Ерөнхий ассамблей нь Малид амиа алдсан хоёр франц сэтгүүлчийн дурсгалыг хүндэтгэх үүднээс арваннэгдүгээр сарын 2-ыг Сэтгүүлчдийн эсрэг гэмт хэргийг шийтгэлгүй орхихыг зогсоохын төлөөх олон улсын өдөр болгон зарласан юм.
Сэтгэгдэл (0)
Сэтгэгдэл бичигдээгүй байна