Oxfam: Цар тахлын үед иргэдэд илүү тусламж үзүүлэх шаардлагатай байна

“Oxfam” нь дэлхий даяар ядуурлыг буруулах, ядуурлаас үүдэлтэй шударга бус байдлыг арилгах зорилгоор 100 орчим улс оронд үйл ажиллагаа явуулдаг 17 долоон байгууллагаас бүрддэг олон улсын нэгдэл юм. Цар тахлын улмаас бий болсон нөхцөл байдлыг “Oxfam” судлан тодруулахад дэлхийн хүн амын гуравны хоёр нь цар тахлын үр дагаврыг давж гарах ямар нэг тусламжийг Засгийн газраасаа аваагүй байгааг тогтоосон байна. Түүнчлэн бага ба дунд түвшний орлоготой 126 улсуудад иргэддээ өгдөг ажилгүйдэл ба хөдөлмөрийн чадвар алдсаны мөнгө, хүүхдийн  ба өндөр насны тэтгэмж нь хүний үндсэн хэрэгцээг хангахад хүрэлцэхгүй байсныг тогтоожээ.

Гэсэн хэдий ч энэ жил дэлхий дахин корона вирусийн цар тахлын үр дагаврыг давж гарахын тулд 9,6 их наяд евро зарцуулсан байна. Мөнгөн дүнгийн 83 хувийг дэлхийн хамгийн баян 36 улс зарцуулсан байхад хамгийн ядуу 53 улс ердөө 0,4 хувийг нь зарцуулсан байжээ.

Тусгайлан нийгмийн халамжийн зорилгоор иргэдэд зориулж тэтгэлэг тараахад 28 баян улс нэг хүндээ 695 доллар зарцуулсан байхад бага болон дундаж түвшний орлоготой орнууд нь нэг иргэндээ 28-аас 4 доллар зарцуулсан байна. 

Корона вирусийн эдийн засгийн хямралын үеэр 2,7 тэрбум хүн ямар ч нийгмийн халамж, тэтгэлэггүй амьдарч байна. 

“Oxfam”-ын гүйцэтгэх захирал Габриэла Бухер “Коронавирус дэлхий дахиныг айдсаар нэгтгэж байгаа ч үндсэндээ улам хагалан бутаргаад байна. Өнгөрч байгаа жилийн хугацаанд тэрбум гаруй хүнд хүрсэн нийгмийг халамж ерөнхийдөө онцлох зүйл болсон. Гэсэн хэдий ч одоогийн байдлаар ямар ч тусламж авч чадахгүй байгаа олон хүн байна” гэжээ.

Улмаар дэлхий дээр хагас тэрбум гаруй хүн огт ажилгүй эсвэл хагас ажилтай байгаа тул хүмүүст туслах халамжийн хөтөлбөрийг сайжруулах шаардлага асар их байгааг “Oxfam” онцолсон байна.