АНУ нь Хятадын хагас дамжуулагчийн хамгийн том үйлдвэрлэгч болох “Semiconductor Manufacturing International Corporation” (SMIC)-ийн эсрэг нэмэлт хориг арга хэмжээ авч байгаа тухай Америкийн Худалдааны яам мэдээлсэн байна.
Тус яамны тэргүүн нь хориг арга хэмжээ авах болсон талаар тайлбарлахдаа “Бид улам бүр түрэмгий болж байгаа эсрэг талын зэвсэгт хүчнийг хөгжүүлэхэд Америкийн технологийг ашиглахыг зөвшөөрөхгүй” гэжээ.
Ийнхүү хориг арга хэмжээ авч, хар жагсаалтад орсон тул цаашдаа хятадын компанид технологи нийлүүлэгч Америкийн компаниуд нь ханган нийлүүлэлт хийхийн өмнө заавал тусгай зөвшөөрөл авч байх ёстой болов. Мөн Хятадын талд 10 нанометр ба түүнээс бага хэмжээтэй хагас дамжуулагч үйлдвэрлэхэд шаардлагатай бүх л бараа, таваар нийлүүлэхийг шууд хориглосон байна.
“SMIC” нь БНХАУ-ын батлан хамгаалах салбартай нягт холбоотой ажилладаг учраас ийнхүү хар жагсаалтад оруулсан аж. Түүнчлэн энэ корпорацаас гадна АНУ-ын үндэсний аюулгүй байдалд заналхийлж байгаа гэсэн Хятадын өөр 60 компани, байгууллагыг хар жагсаалтад оруулсан байна.