ЭМЯ: Талийгаачаас коронавирусын шинжилгээ авах боломж муу байсан

Хавдар судлалын үндэсний төвд яаралтай түргэн тусламжаар хүргэгдэж ирсэн иргэн О нь 2020 оны арванхоёрдугаар сарын 19-нд нас барсан байна.

 Тухайн иргэнийг өнгөрсөн долоо хоногийн баасан гаригт оршуулжээ. Гэтэл нэгэн сонин сэжүүр гарч ирсэн иржээ. 

 Талийгаач  О-д эмчилгээ хийж байсан Хавдар судлалын үндэсний төвийн  хоёр  эмчээс коронавирусын халдвар илэрчээ. Мөн өнөөдөр өглөө талийгаач О-гийн гэр бүлийн хүрээний иргэдээс коронавирус илэрсэн байна. Талийгаач О нь өмнө нь  буюу 2020 оны арванхоёрдугаар сарын 12-нд БЗД-ийн эмнэлгээс хэвтэн эмчлүүлж байгаад гарчээ.

 Тэгэхээр өнөөдрөөс эхлэн Хавдар судлалын үндэсний төвийн голомт нь талийгаач О байсан уу гэдэг сэжүүрээр Тагнуул, Цагдаагийн байгууллага тандалт хийгээд эхэлсэн байна. Нас барсан иргэн О нь булчин сулрах өвчтэй, хавдартай байсан аж. Магадгүй талийгаач О нь коронавирусын халдвартай байсан байх магадлалтай бөгөөд түүнийг энгийн журмаар оршуулсанд учир байгаа юм. Талийгаачийн буяны ажилд оролцсон 50 гаруй иргэнийг шинжилгээнд хамруулсан талаар албаны эх сурвалж мэдээллээ. Оршуулгад оролцсон иргэд ямар нэгэн тусгаарлалтад байгаагүй бөгөөд өнөөдөр өглөөнөөс хуулийн байгууллагыхан олж хяналтад авчээ. Гэхдээ талийгаач халдвартай байсан эсэхийг тогтоох боломжгүй учир нь уламжлалын дагуу оршуулчихсан байгаа юм. 

Талийгаачийн гэр нь БЗД-ийн 16-р хороололд байдаг байсан бөгөөд тэнд оршуулгын ажил явагдсан талаар өчигдөр бид мэдээлсэн. 

Энэ талаар өнөөдөр ЭМЯ-наас мэдээлэхдээ: 60 настай иргэн 2020 оны арванхоёрдугаар сарын 19-нд маш хүнд хүн ирсэн. Тэрбээр ирээд 04:20 минут эмнэлгийн тусламж үйлчилгээ авсан. Ирэхдээ унтаа байдалтай, хар хүрэн өнгөөр бөөлжиж, яраглаж, эмчийн өгч байсан командыг ойлгож байгаа мэт боловч  хариу үйлдлийг хийж чадахгүй маш хүнд хүн ирсэн.  Өвчтөн ямар нэгэн амьсгалын замын зовиур хэлээгүй, 2018 онд элэгний зүүн талдаа хавдартай гэж оношлогдож байсан. Элэгний хожуу үеийн хавдартай, хавдрын хордлоготой хүн ирсэн, эмчилгээ үйлчилгээ үзүүлсэн боловч нас барсан. Энэ өвчтнөөс хамар, залгиурын шинжилгээ авах боломж муу байсан. 2020 оны арванхоёрдугаар сарын 25 -ны өглөөний 07 цагт ар гэрийнхэнд нь шарилыг хүлээлгэж өгсөн. Эмнэлгийн тусламж үйлчилгээний тасгийг тусгаарлаад ажиллаж байна. ХСҮТ-ийн тусламж үйлчилгээг Улсын нэг, хоёр, гуравдугаар эмнэлэг, ЭХЭМҮТ, Баянгол дүүргийн эрүүл мэндийн төв, Амгалан амаржих газрууд дээр тусламж үйлчилгээг шилжүүлээд ажиллаж байна.