АНУ-ын Ерөнхийлөгч Дональд Трамп өнгөрөгч ням гарагт 2021 оны санхүүгийн төсвийг баталсан. Төсвийн хэмжээ 2,3 их наяд доллар. Энэ төсөвт манай хоёр хөршийн нөлөөг эсэргүүцэхэд хагас тэрбум гаруй доллар төсөвлөсөн байгааг мэдээллийн агентлагууд онцолсон байна.
Тодруулбал, АНУ-ын Засгийн газар нь ОХУ-ын нөлөөг эсэргүүцэхэд 290 сая доллар харин БНХАУ-ын нөлөөг хумихад 300 сая доллар тус тус төсөвлөжээ. Ингэснээрээ АНУ нь гол өрсөлдөгчөөрөө Хятадыг гэж үзэж байгаагаа харууллаа гэж зарим шинжээч үзжээ.
Хятадыг тогтоон барихад зориулсан энэ их мөнгийг БНХАУ-ын Засгийн газар, ХКН ба эдний нэрийн өмнөөс үйл ажиллагаа явуулдаг бүх байгууллагын эсрэг үйл ажиллагаа явуулахад зарцуулна. Оросын нөлөөг эсэргүүцэхэд чиглэсэн арга хэмжээний дотор “Америкийн дуу хоолой”, “Эрх чөлөө”, “Эрх чөлөөт Европ” гэх мэт радио станцуудын ажлыг санхүүжилтийг нэмэхээр болжээ. Мөн ОХУ-ын стратеги зорилгод хүрэхэд тус болох бүх үйл ажиллагааг хориглосон байна.
Түүнчлэн манай хоёр их хөршийн нөлөөг эсэргүүцэхэд чиглэсэн ажлын хүрээнд Европ, Еврази болон Төв Азийн улс орнуудын хууль сахиулах байгууллагуудын чадварыг нэмэгдүүлэх, аюулгүй байдлыг хангах салбарын хамтын ажиллагааг бэхжүүлэхэд нэлээд мөнгө зарцуулахаар болсон байна. Мөн нэр заагдсан бүс нутагт ардчиллыг хөгжүүлэх, түүний дотор интернэтийг хараат бус байлгахад багагүй мөнгө зарцуулахаар болжээ.
Эцэст нь, төсвийг баталснаас 100 хоногийн дотор Тагнуулын төв газрыг Оросын олигархуудын авлига, хээл хахуультай холбоотой үйл ажиллагааны тухай болон ОХУ-ын Засгийн газрыг дэмжиж байгаа улс орнуудын талаар илтгэл тавих ёстой гэсэн байна.
0°C
Сэтгэгдэл (38)