2021/01/19
USD 2,811

COVID-19-өөр өвдсөн хүмүүс үнэр ялгах чадвараа алддаг

О.Шүрэнцэцэг
2020/12/30

COVID-өөс эдгэрсэн хүмүүс нэлээд урт хугацаанд огт байхгүй үнэр үнэртэх эмгэгтэй болдог тухай Британийн чих, хамар, хоолойн эмч нарын холбооны Ерөнхийлөгч Нирмал Кумар нь “PA” агентлагт мэдээлсэн байна.

 Нирмал Кумарын ярьж байгаагаар огт байхгүй үнэр үнэртэх буюу паросми гэж нэрлэгддэг эмгэг нь коронавирусийн халдвар аваад эдгэрсэн эмнэлгийн ажилтнууд, залуучуудад гол төлөв ажиглагддаг юм байна. Түүнчлэн Их Британид COVID-19-өөс илааршсан олон мянган хүн огт үнэр мэдрэхээ болих буюу аносми гэдэг эмгэгтэй тулгарч байгаа аж. 

 Корона вирус нь мэдрэлд нөлөөлдөг учраас  хамрын хөндийн мэдрэлийн үйл ажиллагааг алдагдуулснаа ийм байдал үүсдэг гэж үзэж байгаа юм байна. Паросми буюу тухайн үнэрийг ялгаруулах зүйл огт байхгүй байхад үнэртэх асуудалтай тулгарсан хүмүүсийн жишээ татахдаа Кумар эмч нь “Би өнөөдөр паросмитэй хоёр өвчтөнд үзлэг хийсэн. Нэгд нь загасны махны үнэрээс өөр зүйл үнэртээ байсан бол нөгөөх нь хаа ч явсан хэншүү, хярвас үнэртээд байна гэсэн зовуурьтай байсан. Энэ хоёр хүн хоёулаа эрүүл мэндийн салбарын ажилтан” гэжээ.

 COVID-19-өөр өвдөөд эдгэсэн зарим хүмүүс бүр хавраас хойш паросмитэй тулгарсан гэж ярьж байгаа юм байна. Тухайлбал, 52 настай Линн Корбетт корона вирусийн халдвараас эдгэрсний дараанаас кофе, шар айраг уух гэхээр эвгүй үнэртэй гэж санагдах болсон тул хэрэглэхээ больсон гэж ярьсан байна.