Францын хүн амын дийлэнх нь корона вирусийн эсрэг вакцин хийлгэхээс болгоомжилж байгаа тухай “Daily Mail” бичсэн байна. “Ipsos Global Advisor” нь Дэлхийн эдийн засгийн форумтай хамтран францчуудын дунд санал асуулга явуулахад ердөө 40 хувь нь COVID-19-ийн эсрэг вакцин хийлгэх хүсэлтэй байгааг тогтоожээ. Европ төдийгүй дэлхий даяар цар тахлаас үүдсэн нас баралт улам бүр газар авч, улс орон болгон хөл хорионы хатуу дэглэм мөрдөж байгаа үед хүн амын дийлэнх нь ийм “хариуцлагагүй” байгаа нь хачирхалтай.
Вакцин хийлгэхээс татгалзахад хүргэсэн үндсэн хүчин зүйлээр “хийлгэсний дараа элдэв хүндрэл, сөрөг урвал үүсэж магадгүй” болгоомжлол болжээ. Магадгүй үүнээс болоод ч тэр бүү Францад вакцинжуулах кампанит ажил эхэлсэн ч эхний гурав хоногийн дотор ердөө 100 хүн хийлгэсэн үзүүлэлттэй байжээ.
Зөвхөн Франц гэлтгүй Орост ч хүн амынх нь 43 хувь нь вакцин хийлгэнэ гэсэн хариу өгсөн юм байна. Гэхдээ Хятадад гэхэд хүн амынх нь 80 хувь, Их Британи 77 хувь нь вакцин хийлгэхийг дэмжиж байгаа аж.