Генерал Д.Гэрэлийг Тагнуулын Ерөнхий газрын даргаар ажиллаж байхад нь Зариг.мн сайтын зүгээс түүний хүүгийн алтны уурхайн асуудлыг дэлгэсэн юм. Түүний хүү Г.Аранзалын нэр дээр байдаг "Пентеттера" ХХК нь Сэлэнгэ аймгийн Баянгол сумын нутагт байдаг Нарангийн голоос 13 алхмын зайд байгааг сэтгүүлч Н.Өнөрцэцэг мэдээлсэн. Мөн тус уурхайд осол гарч эрдэнэт хүний амь нас эрсдсэн талаар баримттай сурвалжилсан юм. Энэхүү мэдээллийг гаргаж тавьсан нь Д.Гэрэл миний ажил хэргийн нэр төрд халдаад байна гэдэг гомдлыг Сүхбаатар дүүргийн Иргэний хэргийн шүүхэд улмаар гаргасан. Энэ дагуу Сүхбаатар дүүргийн Иргэний хэргийн шүүх дээр сэтгүүлч Н.Өнөрцэцэг халдаагүй болох нь 2020 оны аравдугаар сарын зургааны хуралдаанаар тогтоогдсон юм. Тэгвэл өнөөдөр мөн давж заалдах шатны шүүх хурлаар анхан шатны шүүхийн шийдвэрийг хэлэлцэж долоон үйл баримтаар гомдсон нэхэмжлэлийг хэлэлцээд зургааг нь хангаж шийдээгүй, анхан шатны шүүхийн шийдвэрийг хэвээр үлдээлээ. Өөрөөр хэлбэл Тагнуулын Ерөнхий газрын дарга асан, Генерал Д.Гэрэлийн нэр төрд сэтгүүлч Н.Өнөрцэцэг халдаагүй болохыг давж заалдах шатны шүүх албан ёсоор тогтоолоо.
Сэтгэгдэл (0)
Сэтгэгдэл бичигдээгүй байна