Хүн бишээ СОНСОГЧ

Бүх нийтийн бэлэн байдлын зэрэгт хяналт тавин ажиллаж байгаа албан хаагчдын гар хайрагдаж Гэмтэл согог судлалын үндэсний төвд үзүүлсэн гэх мэдээллийг мэдээллийн сайтууд гаргасан. Харин энэ мэдээллийг Цагдаагийн Ерөнхий газрын Хэвлэл мэдээллийн төвийн дарга Б.Баатархүү няцаасан. Тэгвэл оны өмнө зам дээр ажиллаж байсан Дотоодын цэргийн нэгэн албан хаагчийн гар хайрагдаж Гэмтлийн эмнэлэгт хүргэгдэж ирсэн нь үнэн юм. Мэдээллийг үгүйсгэсэн ЦЕГ-ын ХМТ-ийн дарга Б.Баатархүү бантахдаа цагдаагийн албан хаагч биш сонсогч байсан гэж мэдэгдэв. Түүний энэ мэдээллээс харахад зам дээр зогсч байгаа цагдаа нар нь хүн, Дотоодын цэргийн сургуулийн сонсогч нар хүн биш болж байна. Оюутан, сонсогч нар ч хүн шүү гэдгийг Цагдаагийн ерөнхий газрынханд сануулмаар байна.