Одоогийн байдлаар Ачтан элит клиник эмнэлгээр үйлчлүүлсэн таван иргэн дөрвөн аймагруу явжээ

 "Ачтан элит клиник"  эмнэлгээр 2020 оны арванхоёрдугаар сарын 15-наас хойш  үйлчлүүлсэн таван иргэн дөрвөн аймагруу явжээ. Тодруулбал Төв аймгийн хоёр сум, Сэлэнгэ, Булган, Өвөрхангай аймагруу явсан байна. Орон нутагт очсон эдгээр таван иргэнээс түргэвчилсэн оношлуулаар шинжилгээ авч тусгаарлажээ. Улаанбаатар хотруу писиар шинжилгээг тодруулахаар сорьцыг илгээсэн байна.   

"Ачтан элит клиник" эмнэлгээр үйлчлүүлсэн хоёр иргэн Төв аймгийн  Заамар, Эрдэнэсант суманд очсон байна. Иргэдийг тусгаарлаад, шинжилгээ авах ажлыг аймгийн онцгой комисс зохион байгуулж байна. 

Мөн тус эмнэлэгт дөрөв хоног хэвтэн эмчлүүлсэн иргэн 2020 оны арванхоёрдугаар сарын 29-нд Булган аймгийн Бүрэгхангай суманд очсон байна. Тухайн иргэн нь малчин бөгөөд ам бүл дөрвүүлээ амьдардаг учраас тэднийг тусгаарлажээ. 

Өвөрхангай  аймгийн төвд "Ачтан элит клиник"  эмнэлгээр  2020 оны арванхоёрдугаар сарын 15-ны өдрөөс хойш үйлчлүүлсэн нэг иргэн очсон байна. Мөн аймгийн онцгой комисс тухайн иргэнийг яаралтай тусгаарлаж шинжилгээ аваад байна. 

2020 оны арванхоёрдугаар сарын 18-25 хооронд хэвтэн эмчлүүлсэн нэг иргэн Сэлэнгэ аймгийн Хушаат сумын төвд өчигдөр буюу 2021 оны нэгдүгээр сарын таванд очсон байна. 

Тус эмнэлгээс үүдэлтэй коронавирусын 16 тохиолдол бүртгэгдээд байгаа юм.