ЭМЯ: 50-аас дээш насныхан коронавируст халдвараар хүндээр өвчилж байна

ХӨСҮт-ийн захирал Д.Наранзул:Коронавирусын халдвараар 20 доош насны залуучууд  хөнгөн хэлбэрээр өвчилж байгаа бол 50-аас дээш насанд хүндээр өвчлөх байдал ажиглагдаж байна. Хүйсийн хувьд ялгаагүй ч ахимаг насны эрчүүд халдвар авах эрсдэл нь өндөр байна. Өвчний эхэн үед хуурай ханиалгах, хоолой сэрвэгнэх, толгой өвдөх, хамар битүүрэх зэрэг шинж тэмдэг түгээмэл ажиглагдаж байгаа учраас иргэдэд дээрх шинж тэмдэг илэрвэл яаран эмнэлэгт очилгүй, өөрийгөө гэртээ тусгаарлах эсвэл 119 дугаарт хандаж зөвлөгөө, мэдээлэл аваарай.