2021/01/22
USD 2,811

Хүүхдийнхээ төлөө нэгдэж байна

О.Шүрэнцэцэг
2021/01/08

“Хүүхдийн төлөө фонд”- ыг сэргээн байгуулж хурсан, ирсэн хандив мөнгөөр нь “Хүүхдийн номын сан”, “Хүүхэлдэйн театр”-ын ордонтой болох хөдөлгөөнийг Соёлын яам санаачиллаа. Шууд нэвтрүүлгээр “Хүүхдийнхээ төлөө” түмэн олон, төр засаг, урлаг соёлынхан яаж нэгдэж чаддагийг хэдхэн цагийн дотор харуулаад авлаа. 
 “Хүүхэд залуусын орон гэдгээрээ бахархдаг Монгол улс  “Хүүхдийн номын сан”, “Хүүхэлдэйн театр” гээд хүүхэд багачуудын хайр, хүсэл тэмүүллийг татсан ордонтой болох ёстой “ гэж сүүлийн 30 гаран жил ярилаа. Үе үеийн засгийн газар “зүйтэй” гэх боловч “мөнгөгүй” гэдэг. Хүүхдийн гэсэн болгоныг булаагаад авсан хувьчлагчид маань сураггүй болцгоосон.
Ингээд “Хүүхдийн номын сан”, “Хүүхэлдэйн театр” маань элгэнд наалдсан дэлүү гэгчээр их айлын хаяанд хоргодсоор л байна. Гэтэл энэ хоёр ордон хүүхэд багачууддад хичнээн их хэрэгтэй байна вэ? Улсын хөгжил хүүхдээсээ гэдэг. Хүүхэд хөгжих орд өргөө ус агаар мэт чухал байна. 
Хүүхэд гэдэг хамгийн гэгээн ертөнц. Тэд маань оюун сэтгэлгээнийхээ гайхамшигт ертөнцөөс үлгэрийн сайхан ордон “Хүүхдийн номын сан”, “Хүүхэлдэйн театр” сүндэрлэсэн орчин үеийн хотхон руу баяр хөөртэйгөөр гүйлдэн очиж явна гээд төсөөл дөө. Энэ л баяр хөөрийг өнөөдрийн болоод өнө хойчийн үр хүүхдэдээ бэлэглэхээр Соёлын яам уг үйлийг санаачилж ард түмэндээ хандсан билээ. Энэ нь хамгийн зөв гарц болох нь хүн зоны хүлээж авч байгаа хандлага, талархлаас илэрхий. Хандивын аян дахиад үргэлжлэх байгаа гэж амжаагүй нь амаа барьж яваа сурагтай. 
Хүүхдүүд маань Хүүхдийн номын сангийн үлгэрийн шидэт ертөнц шиг саруулхан танхимд тааваараа сууж номын ертөнцөөр аяламаар байна. Хүүхэлдэйн театрын гэгээн танхимд хүүхдүүд маань мянга мянгаараа зэгрэгцэн суугаад дэлхийн болоод үндэснийхээ урлаг соёлын гайхамшгийг шимтэн үзмээр байна. Ордон сүндэрлэсэн орчин нөхцөл энэ бүхэн хүүхдэд зориулж байгаа хайр юм. Монгол хүүхэд гэрийнхээ хоймор өсдөг. Соёлын яамны энэ санаачилга Монгол хүүхдийг  улсынхаа хоймор зална. Үүнийг хүн ард маань хамтдаа хүсэж байна. Энэ л хүсэл мөрөөдлийн учиг биднийг холбож байна.


Сэтгэгдэл (5)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.179.26.88 |   2021/01/09
Хүүхдийн нэрээр Хууль зөрчиж Урлаг соёл , Олны танил хүмүүстэй Бүлэглэн нийлж Мөнгө угаах Гэмт хэрэг, үйлдэж, ЗГ, УОК ЭМЯ-ын гаргасан Онц байдлын Хууль, Тогтоол журмыг зөрчсөн шүү дээ,
Хариулах
202.126.89.136 |   2021/01/09
Цэдэнбал даргын оршуулган дээр Филатова гуай монголчуудыг үнэн хэлж байжээ.Тэр цаг ирсэн бололтой
Хариулах
66.181.181.238 |   2021/01/09
huuhdiin umnuudaa ene deeremchin hulgaichuudaas yagaad erguuleed avch bolohgui gej. uuniig avch ogoh erh medel setgel tord bna uu. odoogiin darga nertei sugnuud butsaaj avii gej gants ug amnaasaa unagachih zorig bna uu
Хариулах
64.119.17.83 |   2021/01/08
fuck Zarig ovoo yum gsn Hulsnii huuhen bj de
Хариулах
192.82.76.203 |   2021/01/08
Энэ жилийн ЭЕШ хэзээ болох талаар асуумаар байна аа эртхэн шиг бэлдээ байхгүй бол өмнө жил ЭЕШ өгч чадаагүй хүүхдүүд бас өгөхөөр бэлдэж байгаа тодорхойгүй байгаа ч гэсэн эн талаар эртхэн аюулгүй байдлыг хангаж ЭЕШ авах хэрэгтэй байна аа энэ талаар асуугаад өгөөрэй
Хариулах