2021/01/20
USD 2,811

Трампын эсрэг 25 дугаар нэмэлт өөрчлөлтийг ашиглаж магадгүй

О.Шүрэнцэцэг
2021/01/11

АНУ-ын дэд Ерөнхийлөгч Майк Пенс нь энэхүү 25 дугаар нэмэлт өөрчлөлтийг Трампын эсрэг ашиглах боломжтойг дурджээ. Трампыг дэмжигчид Капитолийн ордныг дайрч эзэлсний дараа Ерөнхийлөгчийн талынхан бүгд дуу нэгтэйгээр Трампыг буруутган, зай аваад түүнийг шүүмжилж байна. Үүний нэг жишээ нь дэд Ерөнхийлөгчийн энэ мэдэгдэл. 

 АНУ-ын Үндсэн хуулийн 25 дах нэмэлт өөрчлөлтийг Ерөнхийлөгч Жон Кеннедийн золгүй үхлийн дараа батлуулсан байдаг аж. Энэ нэмэлт өөрчлөлт нь Ерөнхийлөгч нас барсан эсвэл хүнд өвчин туссаны улмаас үүргээ ч гүйцэтгэж чадахгүй, өөрийн хүслээр огцорч ч чадахгүй болох тийм нөхцөл түүнийг суудлаас нь огцруулах боломжтойг заасан байдаг.

 АНУ-ын Конгресс дах Ардчилсан намын олонх нь Трампыг нэн даруй огцруулаагүй тохиолдолд нэгдүгээр сарын 20-оос өмнө импичмент зарлан хүчээр огцруулна гэж мэдэгдсэн. Үүний өмнө Трампт импичмент зарлахад Конгрессын дээд танхим болох Сенатад Бүгд найрамдах нам олонх байсан тулдаа дэмжигдээгүй. Харин одоо Ардчилсан нь нам нь Конгрессын дээд ба доод танхимд олонх болж чадсан тул импичмент зарласан тохиолдолд саад болох юу ч байхгүй болсон.

 Хэрэв Трампын эсрэг энэхүү 25 дах нэмэлт өөрчлөлтийг ашиглан албан тушаалаас нь буулгавал төрийн шинэ тэргүүн тангараг өргөх хүртэл дэд Ерөнхийлөгч нь Ерөнхийлөгчийн үүргийг гүйцэтгэх ёстой юм байна. Ийм зүйл болбол Пенс нь Америкийн түүхэнд хамгийн цөөн хоног Ерөнхийлөгчийн үүрэг гүйцэтгэсэн хүнээр тодрох юм байна.

 


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна