2021/01/20
USD 2,811

Индонез: Ослоор 53 зорчигч, багийн 12 гишүүн бүгд амиа алджээ

О.Шүрэнцэцэг
2021/01/11

Индонезийн “Sriwijaya Air” компанийн иргэний агаарын тээврийн “Boeing 737-524” онгоц Ява тэнгист  сүйрсэн байна. Онгоц нь нийслэл Жакартаас Понианак хот хүртэл нислэг үйлдэж байжээ. Индонезийн Тээврийн сайд БудиКариа Сумадийн мэдээлснээр онгоц нь Лаки арлаас холгүйхэн осолдож унасан байна. Олон улсын нислэгийн талаарх “Flightradar24” сайтын мэдээллээр онгоц нь ойролцоогоор 3 км-ийн өндрөөс нэг минутын дотор огцом доошилж унасан байна. 

 Онгоцыг унасан гэж таамаглаж байгаа газарт Индонезийн Тэнгсийн цэргийн хүчний шумбагчид ажиллахаар иржээ. Ослын газрын орчим цаг агаар тааруу, хоёр метр хүртэл өндөр давлагаатай байгаа тул шумбалт, хайгуулын ажил хийхэд бэрхшээлтэй байгаа аж.

 Индонезийн арвах албан тэргүүн Бамбанга Суриа Ажи нь сүйрсэн “Boeing” ослын ямар ч дохио өгөөгүй тухай мэдээлсэн байна. Иймд аврах албаныхан юун түрүүнд онгоцны ослын дохиолуур яагаад ажиллаагүйг тодруулахаар ажиллах аж.

 Сүйрсэн онгоц нь 1994 оны тавдугаар сард Америкийн “Continental Airlines” компанийн бүрэлдэхүүнд анхны нислэгээ хийж байгаад 2012 онд Индонезийн “Sriwijaya Air” компанийн мэдэлд очсон юм байна. 

 

Ослоор 53 зорчигч, багийн 12 гишүүн бүгд амиа алдсан байна.


Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.179.25.180 |   2021/01/12
Индонезийн агаарын тээвэр хамгийн муу үнэлгээтэй гэнэ лээ
Хариулах