Хятадын коммунист намын удирдлагууд тэрбумтан ЖекМа-ийн “Alibabа”, “Ant Group”-ийг улсын мэдэлд хураана авахаар шийдсэн тухай “International Business Times” бичсэн байна. Хятадын эрх баригчид заах зээлд монопол, давуу эрхтэй болсон компаниудын эсрэг илүү идэвхтэй үйл ажиллагаа явуулах ёстой гэж шийдсэн учраас “Alibabа”, “Ant Group”-г хурааж авахаар шийдсэн гэжээ. Хятадын холбогдох албаныхан бүр өнгөрсөн оны арваннэгдүгээр сард “Alibaba”—ийн төв байранд офисоонээн ажиллуулж эхэлсэн байжээ. Үүнээс гадна Хятадын удирдлагууд “WeChat”-ыг эзэмшдэг “Tencent”, электрон арилжааны “Meituan” компаниудыг сонирхоод эхэлсэн гэж байна.
Жек Ма нь Шанхайд олны өмнө үг хэлэхдээ Хятадын төрийн банк, эдийн засгийн зохицуулагч албадыг ломбардтай зүйрлэн шүүмжилснээс хойш олны өмнө үзэгдэхгүй болсон. Одоо Ханжоу дах “Alibabа”-ийн байранд нуугдаж байж магадгүй аж. Энэ бүх маргааны улмаас Жек Ма-ийн хөрөнгө хоёр сарын дотор 12 тэрбум доллароор багасжээ.
Түүнчлэн Европын холбооны парламентын орлогч дарга Никола Бер нь Же Ма удаан хугацаанд олон нийтийн өмнө гарч ирэхгүй байгаад сэтгэл зовниж байгаагаа мэдэгдсэн байна. Тэрээр ““Alibaba”-ийн үндэслэгч Же Ма алга болсон явдалд бид бүхэн ихээхэн сэтгэл зовнивол зохино. Гэхдээ бодит байдал ямар байгаа талаар таамаглахаас цаашгүй байгааг хэлэх хэрэгтэй. Гэсэн хэдий ч энэ бол Хятадын дээд түвшний удирдлагыг хэн нэгэн нь шүүмжилмэгц Бээжингийн зүгээс улс орондоо болон дэлхийн нийтэд гэрийн эзэн нь хэн бэ гэдгийг харуулж байгаа анхны тохиолдол биш юм” гэжээ.
Сэтгэгдэл (0)
Сэтгэгдэл бичигдээгүй байна