2021/03/07
USD 2,811

Орост “Pfizer” вакциныг бүртгээгүй байхад хэрэглэж болохгүй

О.Шүрэнцэцэг
2021/01/15

ОХУ-ын хувийн эмнэлгүүд, гадаадын эмнэлгүүдийн Орос дах салбарууд нь Орост албан ёсоор бүртгэж зөвшөөрөөгүй байгаа корона вирусийн эсрэг вакцин, түүний дотор “Pfizer” вакциныг одоохондоо хилээр оруулж ирэх, иргэдэд тарих хориотой гэдгийг Оросын Эрүүл мэндийн хяналтын албанаас мэдээлжээ.

 Мөн энэ зуур ОХУ-ын Ерөнхий сайд Гайдарын нэрэмжит хэлэлцүүлэгт оролцох үеэрээ ОХУ нь корона вирусийн тархалттай холбоотой хямралыг давж гарах шатанд явна гэж мэдэгдсэн байна. Тэрээр ”Бид одоо корона вирусийн тархалттай холбоотой хямралыг давах шийдвэрлэх үе дээрээ ирээд байна. Цаашдаа байдал аажмаар сайжирч эхэлнэ гэдэгт итгэлтэй байгаа. Энэ өвчнөөс бүрэн дүүрэн хамгаалах ёстой өргөн хүрээтэй вакцинжуулалт эхэлсэн тул бүх нийтийн дархлаа бүрэлдэхийн хэрээр эдийн засгийн хөгжил ба арилжаа наймааг чөдөрлөж байсан аюул болгоомжлол өнгөрсөнд үлдэнэ” гэсэн байна.