Их Британид Лестерийн их сургууль ба Үндэсний статистикийн удирдах газраас хамтран явуулсан COVID-19 тусаад эдгэрсэн хүмүүст хүндрэл үүссэний улмаас ахин эмнэлэгт хэвтэх эсвэл нас барах магадлал ямар байгааг хамтран судалсан байна. Судалгаанд коронавирусийн цар тахлын эхний давлагааны үеэр хэвтэн эмчлүүлж байгаад эдгэрсэн гэж оношлогдон гарсан 47 мянга 780 хүнийг хамруулжээ. Ингэхэд эдгэрсэн хүмүүсийн 29 хувь нь 140 хоногийн дотор өөр ямар нэг өвчний хүндрэлээр дахин эмнэлэгт хүргэгдэж байсан бол 12,3 хувь буюу найман хүн тутмын нэг нь өвчний хүндрэлийн улмаас нас барж байжээ.
Коронавирусийн халдвар авсны дараагаар өвчтөнүүдэдчихрийн шижин оношлогдоод, элэг ба бөөрний архаг эмгэг бүртгэгдэж байгааг судлаачид тогтоожээ. Лестерийних сургуулийн Чихрийн шижин ба судасны эмчилгээний танхимын профессор Камлеша Кхунти энэ талаар ярихдаа “Яг ямар өөрчлөлт болдгийг бид мэдэхгүй байгаа ч коронавирус нь инсулин ялгаруулдаг бета эсүүдийг устгахаар хүн нэгдүгээр хэв шинжит чихрийн шижингээр өвддөг эсвэл инсулин мэдрэх чадварыг үгүй хийснээр хоёрдугаар хэв шинжит чихрийн шижин үүсгэдэг байх гэж таамаглаж байгаа” гэжээ.