Коронавируст халдвараар өвчилсөн хүний дархлааны системд дэргэвэр жиргэрүү, хунчир, чихэр өвс гэсэн ургамлууд 95%-ийн сайн нөлөөтэй байгааг эрдэмтэд тогтоожээ.
Харвардын анагаах ухааны их сургуулийн Био-органик болон байгалийн ургамлын судалгааны лабораторийн эрдэмтэн David Lee, Германы Гутенбергийн их сургуулийн Эм судлал болон био-анагаахын шинжлэх ухааны институтийн эрдэмтэн Thomas Efferth болон Хенанын их сургуулийн эрдэмтэд коронавирусын эсрэг эмийн ургамлын эмчилгээний клиник судалгаа хийж, судалгааны үр дүнг Phytomedicine сэтгүүлийн 2021 оны эхний дугаарт нийтэлжээ.
Энэхүү Судалгааны зорилго нь коронавирусын эсрэг хэрэглэсэн уламжлалт анагаах ухааны эмийн ургамлын бэлдмэлийн үр дүнг клиник өгөгдлийн дагуу системчлэн судалж, эмийн бэлдмэлд хамгийн их хэрэглэгдсэн, гол ургамлыг тогтооход чиглэсэн байна.
Эмийн ургамал нь хүний биеийн дархлааны системийг сэргээн сайжруулж улмаар вирусын халдварыг дарангуйлж байгааг тогтоосон байна.
Судалгааны үр дүнд эмийн ургамал нь хүний биеийн дархлааны системийг сэргээн сайжруулж улмаар вирусын халдварыг дарангуйлж байгааг тогтоосон байна. Эмийн ургамал хэрэглэх үед эмчилгээний үр дүн нь 95 хувиас дээш сайжирсан үр дүн үзүүлжээ.
Хүний биед үзүүлэх үр нөлөөг судалж тогтоосноос хамгийн эхний суурь, үндсэн 3 ургамлаар хунчир, чихэр өвс, дэргэвэр жиргэрүү гэсэн монгол оронд ургадаг эмийн ургамлуудыг нэрлэсэн байна.
Коронавирусаар өвдсөн хүмүүст хэрэглэсэн 100 гаруй эмийн ургамлын бэлдмэлийг нарийвчлан судалж, эдгээрт хамгийн их түгээмэл хэрэглэгдсэн 10 эмийн ургамлын хүний биед үзүүлэх үр нөлөөг судалж тогтоосноос хамгийн эхний суурь, үндсэн 3 ургамлаар хунчир, чихэр өвс, дэргэвэр жиргэрүү гэсэн Монгол оронд ургадаг эмийн ургамлуудыг нэрлэсэн байна.
Хунчир нь вирусын эсрэг үйлчилгээ үзүүлж ,дархлааны эсүүдийг хамгаалах, амьсгалын болон хоол боловсруулах эрхтний үрэвслийг намдаах зэрэг олон талын эмчилгээний ач холбогдолтой
Хунчир нь вирусын эсрэг үйлчилгээ үзүүлэхээс гадна хүний биеийн дархлааны эсүүдийн хамгаалах чадварыг нэмэгдүүлснээр бие махбодийн дархлааг сайжруулах, амьсгалын болон хоол боловсруулах эрхтний үрэвслийг намдаах зэрэг олон талын эмчилгээний ач холбогдолтой болохыг тодорхойлсон байна. Сүүлийн үеийн судалгаагаар шинэ төрлийн коронавирусын халдварын үед уушиг төдийгүй бусад олон эд эрхтэнгийн үйл ажиллагаа алдагдаж байгаа нь организмд явагдаж байгаа цитокины шуурга буюу асар эрчимтэй үрэвслийн урвал, мөн цусанд чөлөөт радикалын түвшин ихээр нэмэгдэж байгаатай холбоотой болохыг тогтоожээ. Тэгвэл хунчир нь үрэвслийн хариу урвалыг зохицуулж, хэт исэлдэлтийн урвалын эсрэг хүчтэй антиоксидант нөлөө үзүүлж, чөлөөт радикалыг устгадаг байна.
Чихэр өвс нь глицирризиний хүчил агуулдаг бөгөөд энэ нь коронавирусыг дарангуйлах чадвартай болохыг тогтоосон байна.
Хунчир, чихэр өвсний талаарх судалгаанаас үзэхэд эдгээр эмийн ургамлыг коронавирусын халдвар төдийгүй бусад вирусын гаралтай халдварт өвчний үед хэрэглэх нь сайн үр нөлөөтэй болохыг мөн тогтоосон байна.
Коронавирусын халдварaaс урьдчилан сэргийлэх, мөн коронавирусын эсрэг эмчилгээний эхний үе шатанд эмийн ургамлыг хэрэглэх нь маш үр дүнтэй байхаас гадна аливаа хүндрэлээс сэргийлэх боломжтойг онцолжээ.
Эх сурвалж: https://www.news-medical.net/
Сэтгэгдэл (0)
Сэтгэгдэл бичигдээгүй байна