Төв талбай дээр 34 настай иргэн Э өөрийгөө шатааж амиа алдсан байж болзошгүй талаар бид мэдээлсэн. Тэгвэл энэ асуудлаар бид ЦЕГ-ын ХМТ-ийн дарга Б.Баатархүүгээс тодрууллаа.
Өнөөдөр төв талбай дээр болсон харамсалтай хэргийн талаар тодорхой мэдээлэл өгөхгүй юу?
-13 цаг 32 минутад энэ харамсалтай үйл явдал болсон. Энэ хэрэг дээр СБД-ийн цагдаа, ЭЦА ажиллаж байна. Тухайн үеийн камерын бичлэгийг нотлох баримтаар бэхжүүлээд ойр орчимд байсан хүмүүсээс тайлбар мэдүүлэг авах, шүүх шинжилгээний задлан хийж байгаа. Тухайн амь хохирогчийн биеэс 1987 онд төрсөн 34 настай Иргэн Э-ийн бичиг баримт гарч ирсэн. Энэ бичиг баримт тухайн иргэний өөрийнх нь бичиг баримт мөн эсэхийг нарийн тодруулж шалгана. 13 цаг 32 минутад үйл явдал болоход Сүхбаатарын талбай дээр ажиллаж байсан цагдаагийн алба хаагчид гүйж очиж, тусалсан боловч гал маш хурдтай гарч харамсалтайгаар иргэн нь амиа алдсан.
Хаана, ямар ажил алба хашдаг хүн байсан юм бол?
-Амь хохирогчийг биеийн байцаалтаар шүүж, эцсийн байдлаар хэн болохыг нь тогтооно. Уриа лоозон барьж эсэргүүцлээ илэрхийлэх ч юм уу ийм асуудал урьдчилсан байдлаар тогтоодоогүй. Аль болох цагдаагийн байгууллагаас шуурхай ажиллаж байна. Тэнд явж байсан иргэд цагдаагийн алба хаагчдад тусалж, галыг унтраалцахаар оролдсон ч харамсалтай үйл явдал болсон юм билээ.
Тухайн талийгаачийг төмөр замд ажилладаг байсан гэх мэдээлэл ХМ-ийн хэрэгслээр явж байна. Энэ үнэн үү?
-Ийм мэдээлэл байхгүй. Талийгаачийн нас барсан хэрэг ямар шалтгаанаар байсан нь эцсийн байдлаар тогтоогдоогүй байгаа учир, олон нийтийг худал мэдээлэлд автахгүй байхыг хүсье.
Талийгаач өөр дээрээ таван литрийн усны саванд хийсэн бензиныг асгаж шатаасан гэх мэдээлэл байгаа шүү дээ.
-Камерын бичлэгээр бүх нотлох баримтыг цуглуулж ажиллаж байна.
°C
Сэтгэгдэл (13)