2021/03/03
USD 2,811

Фермерүүд шаардлагыг нь биелүүлтэл парламентыг бүслэн хаана гэж сүрдүүлжээ

М.Төгөлдөр
2021/02/24

Хөдөө аж ахуйн тухай шинэ хуулийн эсэргүүцэж байгаа Энэтхэгийн фермерүүд шаардлагыг нь биелүүлээгүй тохиолдолд улсынхаа парламентын байрыг бүслэн хаана гэж сүрдүүлсэн тухай “Outlook” сэтгүүл бичжээ. 

Фермерүүдийн эсэргүүцлийн хөдөлгөөнийг зохион байгуулагч “Энэтхэгийн тариачдын холбоо”-ы  удирдагч Ракеш Тикаит энэ талаар мэдэгдэл хийхдээ “Энэ удаад бид парламентыг бүслэн хаана. Бид энэ тухай урьдчилж зарлаж байгаад Дели орно. Одоо тэнд бүр 400 мянган трактор цугуларна” гэжээ. Улмаар парламентын байрыг бүслэн хаах аян хэзээ ч эхэлж магадгүй тул фермерүүдийг бэлэн байхыг уриалсан байна. Мөн тариалангийн үе эхлээд байгаа ч фермерүүд эсэргүүцлийн арга хэмжээнээс татгалзахгүй “...хэрэгтэй бол Дели хотын цэцэрлэгт хүрээлэнгүүдийн газрыг хагалж, тэндээ тариа тариална” гэж мэдэгдсэн байна.

Фермерүүд Энэтхэгийн Засгийн газраас өнгөрсөн есдүгээр сард баталсан Хөдөө аж ахуйн шинэ хуулийг хүчингүй болгохыг шаардаж байгаа байгаа юм. Шинэ хуулиар тариачдын ургацыг улсын мэдлийн төвүүдэд бага ч гэлээ тогтсон үнээр худалдаж авдаг байсныг болиулсан. Одоо тариачид нь улс даяар зах зээлийн үнээр ямар ч зах дээр бүтээгдэхүүнээ борлуулах боломжтой болж байгаагаас гадна үнийн хэлбэлзлээс сэргийлэх үүднээс том компаниудтай ургацаа тогтсон үнээр борлуулах тав хүртэлх жилийн гэрээ байгуулах боломжтой болгосон юм байна. Засгийн газар нь шинэ хуулийг хэрэгжүүлснээр фермерүүдийг орлогыг нэмэгдүүлнэ гэж тооцож байгаа аж. Харин фермерүүд нь чөлөөт зах зээлийн үнийн хэлбэлзлээр шалтаг хийж яваандаа том компаниудад бүх газраа алдана гэж үзээд ийнхүү эсэргүүцэл илэрхийлж байна. Үүний өмнө нэгдүгээр сарын сүүлээр болсон эсэргүүцлийн арга хэмжээний үеэр трактор унасан фермерүүд хот төв хүртэл зам хааж, цагдаа нарын эсрэг хүч хэрэглэн тэмцэж, олон зуун хүн гэмтэж, нэг хүн амиа алдаж байсан юм. 


Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
83.96.213.63 |   2021/02/25
Шилдэг бэлгийн болзоо сайтад тавтай морилно уу --- Hosset.Com
Хариулах
217.138.206.84 |   2021/02/24
Ардчилал мэддэг хүмүүс юмаа, харин коммунист монголчууд төрдөө дээрэлхүүлээд мөлжүүлээд доромжлуулаад аажим аажмаар боолын гинжээ өөрсдөө зүүцгээж байна.
Хариулах