Америкийн “Pfizer” компани ба түүний түнш, Германы “BioNTech” хоёрын хамтран бүтээсэн вакциныг олон хүн хамруулан хэрэглэх үед өвчний шинж тэмдэг илрэхээс сэргийлэх чадвар нь 94 хувь байжээ. Тус вакциныг ашиглан Израйлд явуулсан вакцинжуулалт ийм үр дүн харуулсан гэдгийг “The New England Journal of Medicine” сэтгүүл мэдээлсэн байна.
Хоёр тун тариулсан нөхцөлд үр дүн нь 94 хувь, нэг тун тариулсан бол үр дүн нь 57 хувь. Түүнчлэн “Pfizer” вакцин нь өвчний явц хүндрэхээс үр дүнтэйгээр сэргийлж чаддаг болохыг Израйлд явагдсан вакцинжуулалт харуулсан байна.
Түүнчлэн вакцин нь нийт тохиолдлын 89,4 хувь нь вирусийг хүнээс хүнд халдахаас урьдчилсан сэргийлж байсныг тогтоосон байна.
Израйлд 2020 оны арванхоёрдугаар сарын 20-оос 2021 оны хоёрдугаар сарын 1-ний хооронд явагдсан бүх нийтийн вакцинжуулалтын явцад эдгээр өгөгдлүүдийг гаргаж авсан байна. Вакцины үр дүнг хянаж байсан бүлэг тус бүрд 596 мянган хүн орж байсан аж. Судалгааг Израйлын “Clalit” судалгааны төв болон Америкийн хэд хэдэн их сургуулийн судлаачид оролцжээ.
0°C
Сэтгэгдэл (452)