Хууль, шүүхийн эрх мэдэл бүхий хэсэг хүмүүс PARKVIEW хотхоны 752-р байрны дугаар тоотод цугласан бичлэгт ҮАБЗ-ийн ажилтан гэгдэх Б.Баасанцогт хамгийн сүүлд хаалга цоожлон гарч байгаагаар дуусдаг. Харин өчигдөр буюу хоёрдугаар сарын 24-ний өдөр цацагдсан бичлэгт Б.Баасанцогт нь цахилгаан шатанд зохисгүй үйлдэл гаргаж байгаа нь бичигдсэн байдаг юм.
Тухайн бичлэг хэвлэл мэдээллийн хэрэгслээр нийтлэгдсэн даруйд Б.Баасанцогт нь "Би өмгөөлөгч хийдэг, ҮАБЗ-д ажилладаггүй, бичлэг задарсан нь гэмт хэрэг гэж үзэж байгаа учир гомдол гаргана" хэмээн ярьж байсан юм.
Тэгвэл өмгөөлөгч Б.Баасанцогт нь 2011.08.05-ны өдөр найзынхаа хуримнаас гарч явахдаа согтуугаар тээврийн хэрэгсэл жолоодож хүн дайрч амь насыг нь хохироож байжээ. Тодруулбал: Хайлаастаас тоглолт хийх морин хуурч, дуучдын хамт явж байхдаа Кино үйлдвэрийн автобусны буудлын орчимд хохирогчийг машиныхаа урд хэсгээр мөргөсөн байна. Хэргийн тухай Б.Баасанцогт мэдүүлэхдээ "Миний буруугаас болж эрдэнэт хүний амь нас хохирсонд маш их харамсаж байна. Талийгаачийн оршуулгын зардал болон хохирол төлбөрт нийт 10 сая төгрөгийг нөхөн төлсөн. Талийгаачийн дүү болох хохирогч У-г өөрийн төрсөн дүү шиг харж хандаж, ирэх хоёр жилийн сургалтын төлбөрийг нь төлнө. Хийсэн хэрэгтээ гэмшиж байна. Хөнгөн ял оноож өгнө үү" гэж шүүхэд мэдүүлж байжээ.
2011 оны 12 дугаар сарын 09-ний өдөр Баянзүрх дүүргийн Эрүүгийн хэргийн анхан шатны шүүхээр Б.Баасанцогтод холбогдох хэргийг шүүж, шүүгчээр Т.Шинэбаяр даргалсан байна.
Шүүхээс түүнд хүндрүүлэх нөхцөл байдал үүсээгүй бөгөөд хийсэн үйлдэлдээ гэмшиж, анх удаа болгоомжгүйгээр хүндэвтэр гэмт хэрэг үйлдсэн тул ялыг хөнгөлж, тэнсэн харгалзах шийдвэр гаргаж байсан байна.
0°C
Сэтгэгдэл (524)