2021/04/14
USD 2,811

“Спутник V” коронавирусний вакцины эхний ээлж өнөөдөр бууна

М.Төгөлдөр
2021/02/26

Монгол Улсын Эрүүл мэндийн яам ОХУ-ын “Спутник V” коронавирусний вакциныг бүртгэсэн тухай Оросын шууд хөрөнгө оруулалтын сан өмнө нь мэдэгдэж байсан. Тэгвэл өнөөдөр манай улсад "Спутник" вакцины эхний ээлж ирэх юм. Ингэснээр өмнө нь олон нийтэд мэдээлж байсны дагуу иргэдэд дөрвөн төрлийн вакцинаас сонголт хийх боломж бүрдэж байгаа юм. 

Сануулахад өмнө нь "Коммерсант" агентлагийн мэдээлснээр, Монгол Улс "Спутник V" вакциныг хэрэглэх зөвшөөрөл олгосон 23 дахь орон болжээ. Монголын түншүүд "Спутник V” вакцины өндөр үр дүн, аюулгүйг батлан харуулсан эмнэлзүйн судалгааны мэдээллийг нягт судалсны дараа вакциныг бүртгэн авах шийдвэрийг гаргаж байсан юм.

"Дэлхийд тэргүүлэх коронавирусний вакцинуудын нэг болох “Спутник V”-г хэрэглэхийг зөвшөөрч буй орнуудын тоо өдөр ирэх тусам нэмэгдэж байна" хэмээн Оросын шууд хөрөнгө оруулалтын сангийн тэргүүн Кирилл Дмитриев мөн өмнө нь мэдэгдэж байсан юм.