“Анна Каренина” романыг Монголд хамгийн анх ахмад орчуулагчдын нэг Ш.Очирбат монгол хэлнээ тун яруу сайхан хөрвүүлсэн нь үгийн урлагийн хорхойтнуудад дэлхийн сонгодог романыг эх хэл дээрээ унших боломжийг бий болгосон билээ. Оросын алдарт зохиолч Лев Толстойн "Анна Каренина" роман бол дэлхий дахинаа эмэгтэй хүн бүрийн заавал унших ёстой сонгодог бүтээлд тооцогддог. Тэгвэл энэхүү алдарт романаас сэдэвлэн бүтээсэн жүжгийн нээлт өнгөрсөн оны аравдугаар сарын 3-нд УДЭТ-т болж тайзнаа тоглогдож байсан юм. Тэгвэл гайхалтай уг бүтээл тайзнаа дахин амилж гуравдугаар сарын 4-нөөс тоглогдохоор болсон байна.
Эмэгтэй хүний эмзэг нандин чанар, хайр сэтгэлийн төлөөх тэмцэл болоод гэр бүл, хосуудын харилцаа, амьдралын тухай өгүүлэх энэхүү гайхамшигтай романыг Монголд анх удаа Улсын драмын эрдмийн театрын хамт олон 2020 онд тайзны бүтээл болгож үзэгч түмнийхээ оюуны мэлмийг мялааж байсан билээ.
25°C
Сэтгэгдэл (147)