Хүний эрхийн үндэсний комисс байгуулагдаад 20 жил болж байна. Энэ хугацаанд УИХ-д нийт 19 удаа илтгэл тавьсан байна. Үүний 13 удаагийн илтгэлд эрүүдэн шүүхтэй холбоотой асуудлаар илтгэл тавьжээ. Өчигдөр УИХ-ын нэр бүхий гишүүд Т.Чимгээг эрүүдэн шүүсэн асуудалд нийтийн сонсгол хийх саналыг танилцуулж байсан бол өнөөдөр ХЭҮК-ын гишүүдтэй уулзлаа. ХЭҮК-оос өнгөрсөн хугацаанд Т.Чимгээтэй холбоотой гомдол ирж байсан тухай хэлж байна. Өнгөрөгч гуравдугаар сарын 05-ны өдөр ХЭҮК-ын гишүүнээр ахлуулсан ажлын хэсэг хаалттай хорих 401 дүгээр ангид ажилласан байна. Энэ хүрээнд Т.Чимгээ, Б.Содномдаржаа нартай уулзаж нөхцөл байдалтай танилцжээ. Энэ хугацаанд эмнэлэгийн тусламж үйлчилгээг сайн авч байсан гэдгийг хэллээ. Комиссын тухай хуулийн 22 дугаар зүйлийн 2 дугаар хэсэгт заасны дагуу ХЭҮК нь эрүү, иргэн, захиргаа, зөрчлийн хэргийг хянан шийдвэрлэж байгаа тохиолдолд оролцохгүй байх хуулийн зохицуулалттай гэдгийг ХЭҮК-оос мэдээллээ.
25°C
Сэтгэгдэл (152)