Өнөөдрийн /2021.05.04/ ЭМЯ-аас өгсөн мэдээллээр 1015 хүнд коронавирус илэрч нийт батлагдсан тохиолдол 40396 боллоо. Үүнээс 998 тохиолдол дотоодод батлагдсан бол, эмнэлэг нэг ажилтан мөн коронавирусээр өвчилж, дөрөвдүгээр сарын 26-ны өдөр Энэтхэгээс ирж Дорноговь аймагт тусгаарлагдаж байгаа 16 тохиолдол бүртгэгдсэнээр зөөвөрлөгдсөн тохиолдол 503 боллоо. Нийслэлд 895 тохиолдол, 103 тохиолдол хөдөө орон нутагт бүртгэгджээ.
Сүүлийн 24 цагийн хугацаанд долоон иргэн коронавирусийн нэн хүнд хэлбэрээр нас барж нийт нас барсан иргэдийн тоо 126 боллоо. Харин 1401 хүн эдгэрч нийт эдгэрсэн иргэдийн тоо 24333 боллоо.
Хөдөө орон нутгийн хувьд 50-иас дээш насны иргэдийг дархлаажуулалтад хамруулах ажил явагдаж байна. Харин нийслэлийн хувьд 114 цэгт 296 багийн 2300 эмч, эмнэлэгийн ажилтнууд ажиллаж байна.