Америкийн хамгийн алдартай судалгааны төвүүдийн нэг болох “The Heritage Foundation” –ийн судлаач АНУ-ын удирдлагууд батлан хамгаалах аж үйлдвэрлэлдээ хангалттай хөрөнгө оруулалт хийхгүй хэвээр явбал улс орон нь сүйрнэ гэж анхааруулсныг “The National Interest” олонд хүргэсэн байна.
“The Heritage Foundation” –ийн судлаач Дакота Вудын үзэж буйгаар АНУ-ын зэвсэгт хүчний дийлэнх цэргийн техник хуучирсан явдал нь ихээхэн түгшүүр төрүүлж байгаа юм байна. Тэрээр хэлэхдээ “Одоогийн цэргийн техникийн дийлэнхийг 1980, 1990-ээд онд худалдан авч байсан. Тэнгисийн цэргийн хүч гэхэд л гучин жилийн өмнөхөөс хоёр дахин цөөрлөө. Цэргийн нисэх хүчний нисгэгчдийн нислэг үйлдэх цаг нь хүйтэн дайны үед бол нисэх чадваргүй гэж гологдохоор цөөн байна. Армид өгөгдсөн бүх үүрэг даалгаврыг гүйцэтгэж хүрэлцэхээргүй анги нэгжүүд байна” гэжээ. Гэтэл Америкийг ийнхүү доройтож байх зуур өрсөлдөгчид нь сүүлийн 20 жилийн дотор шинэ техник худалдан авах, орчин үеийн технологи нэвтрүүлэхэд хөрөн оруулалт хийсээр байгааг тэдний явуулж байгаа хээрийн сургуулиудаас харж болно гэжээ.
Улмаар Вуд нь ”Хэрэв Хятад АНУ хоёр нь Тайваны төлөө дайтаад Хятад ялбал АНУ-д амьсгаа дарж, дахин хүчээ төвлөрүүлээд дахиад хоёр дах удаагаа дайтах боломжийг Бээжин өгөхгүй нь лав. АНУ ба Иран хоорондын сөргөлдөөн ч мөн адил бөгөөд хэрэв тэд Израйл руу дайрал эсвэл Оростой сөргөлдөх явцад тэд манай Балтын тэнгисийн холбоотнуудыг бусад Европоос таслахаар шийдвэл ялгаагүй байдал үүснэ” гэжээ.
Иймд Вуд нь АНУ-ын Ерөнхийлөгч Байдены захиргаа ба Конгресс дах Ардчилсан намын олонход хандан “Америкийн гол дайснууд улс орон дотоод асуудлаа шийдээд дараа нь зэвсэгт хүчнээ шинэчилж дуусахыг хүлээгээд суухгүй” гэж анхааруулжээ.
Сэтгэгдэл (0)
Сэтгэгдэл бичигдээгүй байна