Францын армийн албан хаагч 40 мянга гаруй хүн гарын үсэг зурсан захидлыг нээлттэй захидлыг Ерөнхийлөгч Макронд явуулж, улс оронд нь иргэний дайны аюул нүүрлээд байгааг анхааруулжээ.
Үүний өмнө Францын тэтгэвэртээ гарсан 20 генерал Ерөнхийлөгч Макронд ил захидал бичиж, арьсны өнгөөр ялгаварлахтай тэмцэх нэрийдлээр Францыг бутаргаж, үндэстэн хоорондын дайн дэгдээхийг санаархаж байна гэж анхааруулж байсан. Гэвч Макрон болон түүний талынхан энэ захидлыг бичсэн генералуудыг хэт үндсэрхэг үзэл гаргаж ардчилал, арьсны өнгөөр ялгаварлах үзлийг дэвэргэж байна гэж шүүмжилж, тэдний эсрэг янз бүрийн арга хэмжээ авчсан юм.
Энэ удаад захидал бичсэн 40 мянга гаруй цэргийн албан хаагч захидалдаа “Манай ахмад нөхөн бол хүндлэл хүртэх эрхтэй дайчид. Сүүлийн хэдэн долоо хоногийн турш эрхийг зөрчин ад үзэж байгаа ахмад цэргийн албан хаагчид ч бас ялгаагүй. Тэд бол дайтах тухай Таны тушаалыг даган манай эрх чөлөөг хамгаалахад залуу насаа зориулсан цэргүүд бөгөөд тэд эрүүл саруул сэтгэдэг учраас танд ил захидал бичсэн. Гэтэл та тэдэнд урвагч босогч мэтээр хандсан атал тэдний цор ганц гэм гэвэл эх орондоо хайртай учраас сүйрч доройтож байгаад нь харамсаж байгаа явдал юм” гэжээ.
Улмаар Францын түүх, түүний үнэт зүйлсийг цаашид ч энэ мэтээр үзэн ядсан хэвээр байвал улс орон сүйрлийн ирмэг дээр очно гэдгийг анхааруулжээ.
Сэтгэгдэл (0)
Сэтгэгдэл бичигдээгүй байна