Чех улс нь долоон жилийн өмнө 2014 онд Врбецтице тосгоны ойролцоох зэвсгийн агуулахад болсон дэлбэрэлтийн нөхөн төлбөр гэж ОХУ-аас 1 тэрбум крон буюу ойролцоогоор 39 сая доллар шаардаж авах тухайгаа мэдэгджээ. Долоон жилийн өмнө болсон энэ дэлбэрэлтийг Оросын ГРУ тагнуулаа явуулж үйлдсэн гэж Чех мэдэгдэж байгаа юм. Үүнээс гадна Оросыг дэлбэрэлтийн үеэр амь үрэгдсэн Чехийн хоёр иргэний ар гэрт нөхөн төлбөр тусад нь өгөх ёстой гэжээ.
ОХУ нь Врбецтицед болсон дэлбэрэлтэд ямар ч хамааралгүй гэж мэдэгдсэн бөгөөд Чехийн талын бүх шаардлага, зэмлэлийг үгүйсгэж байгаа юм. Чехийн дараа Болгар улс Оросын тусгай албадыг зэвсгийн агуулахыг нь дэлбэлсэн гэж буруутгасан. Улмаар Чех, Болгар, Эстони, Латви, Литва, Польш зэрэг улсууд өөрийн нутаг дээрх Оросын дипломат ажилтнуудыг тагнуулын албадтай холбоотой гэж хөөсөн. Үүний дараагаар Оросын Ерөнхийлөгч, Гадаад хэргийн сайд зэрэг хүмүүс мэдэгдэл хийхдээ сүүлийн үед Зүүн Европын зарим улсуудын дунд Оросыг хэн нь илүү чадах вэ гэсэн уралдаан зарласан юм шиг авирлаж байгааг заагаад Оросын эсрэг хийсэн алхам бүрд зохих хариу өгнө гэж анхааруулж байсан юм.
Сэтгэгдэл (0)
Сэтгэгдэл бичигдээгүй байна