Мэргэжлийн хяналтын байгууллагаас орон нутгийн нийт 349 аж ахуйн нэгж, байгууллагад зөвлөн туслах үйлчилгээ үзүүлж, түр журмын хэрэгжилтэнд хяналт тавьж 632 зөрчил илрүүлэн 38.7 хувийг газар дээр нь арилгуулжээ. Үүнд: Ажилтан, үйлчлүүлэгчдийн биеийн халууныг хэмжээгүй, сэжигтэй тохиолдлыг түр тусгаарлах шаардлага хангасан өрөөгүй, хүн хоорондын зай барих тэмдэг, тэмдэглэгээ байршуулаагүй зөрчил нийтлэг илэрсэн байна.
Харин нийслэлийн хэмжээнд нийт 707 аж ахуйн нэгж, иргэн зөвлөн туслах үйлчилгээнд хамрагдаж, түр журмын хэрэгжилтийг шалгах явцад 130 зөрчил илрүүлэн 39.2 хувийг газар дээр нь арилгуулж, мэргэжил арга зүйн зөвлөгөө өгсөн байна. Шалгалтаар QR кодыг байршуулан бүртгэл хөтлөөгүй, хяналт тавьж ажиллаагүй, бүртгэл хөтлөөгүй, хүн хоорондын зай бариагүй, ажиллагсад халдвар хамгааллын хэрэгсэл амны хаалт, бээлий, нүүрний хаалтгүй байсан зэрэг зөрчил илэрчээ.
Сэтгэгдэл (0)
Сэтгэгдэл бичигдээгүй байна