Манай улсын эрүүл мэндийн салбарын хууль, эрх зүйн орчин, иргэдэд үзүүлэх тусламж үйлчилгээний талаар төр, засгаас анхаарч, олон чухал хууль, тогтоомжийг батлан хэрэгжүүлж байгаагийн нэг нь ЭМДҮЗ-ийн 03 дугаар тогтоолыг хэрэгжүүлж эхэлсэн явдал юм. Ингэснээр эрүүл мэндийн бүх төрлийн тусламж үйлчилгээг ЭМД-ын сангаас хариуцаж иргэдэд учирдаг санхүүгийн дарамтыг багасгах боломж бүрдэнэ гэсэн үг юм.
Хорт хавдрын туяа эмчилгээний тарианы үнэ 4.5 сая төгрөг байдаг. Харин 03 дугаар тогтоолоор туяа эмчилгээний зардал даатгалын сангаас санхүүжихээр болж, мэс заслын болон бусад тусламж үйлчилгээг ЭМДС-аас хариуцахаар болж байна. Ингэснээр нийгмийн халамж, үйлчилгээ зайлшгүй шаардлагатай иргэдэд эрүүл мэндээс үүдэлтэй санхүүгийн бодит дарамтыг учруулахгүйгээр эрүүл мэндийн тусламж үйлчилгээг үзүүлэх боломж нээгдэж байгаа юм.
Энэ оны гуравдугаар сард Эрүүл мэндийн даатгалын ерөнхий газраас хууль, тогтоомжийн дагуу 2527 хорт хавдрын тохиолдолд 1.5 тэрбум төгрөгийг олгосон байна. Хорт хавдрын тохиолдлын дийлэнх хувийг элэг, ходоод, амьсгал, цээжний хөндийн эрхтний хавдар эзэлж байгаа бөгөөд хүүхдүүдийн хувьд яс ба үений мөгөөрсний хавдар, хэвлийн гялтангийн ба хэвлийн арын зайн хавдруудын тохиолдол их байгаа юм. Үүнээс 27 хүүхдийн хорт хавдрын эмчилгээ үйлчилгээнд 10.3 сая төгрөг зарцуулаад байна.
Түүнчлэн гуравдугаар сарын байдлаар нийт 18221 зорилтот бүлгийн иргэдэд 6,6 тэрбум төгрөгийн санхүүжилтийг Эрүүл мэндийн даатгалын сангаас санхүүжүүлсэн байна. Ингэснээр хүн амын зорилтод бүлэг болох ахмад настан, хөгжлийн бэрхшээлтэй иргэд, хүүхэд, нийгмийн халамжийн дэмжлэг туслалцаа зайлшгүй шаардлагатай өрхийн гишүүн иргэдэд санхүүгийн бодит дарамт учруулахгүйгээр эрүүл мэндийн шаардлагатай тусламж, үйлчилгээнд хамрагдах боломжийг бүрдүүлжээ.
17°C
Сэтгэгдэл (31)