Коронавирусийн эсрэг вакцин үйлдвэрлэдэг эмийн компаниудтай холбоотой есөн хүн шинээр долларын тэрбумтан болсон тухай “People’s Vaccine Alliance“ төрийн бус байгууллагын илтгэлд дурдсан байна. Тус байгууллага нь “Forbes” сэтгүүлийн мэдээллийг үндэслэн ийм дүгнэлт гаргажээ.
Америкийн “Moderna” компанийн тэргүүн Стефан Бансель, Германы “BioNTech” компанийн Ерөнхий захирал бөгөөд үүсгэн байгуулагч Угур Шахин нар тус бүр 4,3 ба 4 тэрбум долларын хөрөнгөтэй болж шинэ тэрбумтнуудын жагсаалтыг тэргүүлсэн байна.
Дараа нь “Moderna” компанийн захирлуудын зөвлөлийн тэргүүлэгч Нубар Афеян орж. Мөн тэртээ 2010 онд “Moderna” компанийг хөгжүүлэхэд тус бүр 5 ба 1,5 сая долларын хөрөнгө оруулалт хийж байсан Америкийн хөрөнгө оруулагчид болон Тимоти Спрингер, Роберт Лангер хоёр мөн адил тэрбумтэн болжээ. Мөн Испанийн “Laboratorios Farmacéuticos Rovi” компанийн захирлуудын зөвлөлийн тэргүүн Хуан Лопес-Бельмонте тэрбумтан болж. Үүнээс гадна Хятадын “Cansino” эмийн компанийн үүсгэн байгуулагч гурван хүн долларын тэрбумтан болсон байна.
“People’s Vaccine Alliance“ байгууллагын илтгэлд дурдсанчлан шинэ тэрбумтнуудын нийт хөрөнгийн хэмжээ 19,3 тэрбум доллар болж байгаа нь ядуу орнуудын хүн амыг бүхэлд нь вакцинжуулахад хангалттай хэмжээний мөнгө аж.
Сэтгэгдэл (0)
Сэтгэгдэл бичигдээгүй байна