Говь нутагт өтгөн төгөл бий болгосон гавьяатай Д.Бараадууз Хөдөлмөрийн баатар цолоор энгэрээ мялаана

Өнөөдөр Монгол улсын Ерөнхийлөгч Х.Баттулга төрийн одон дээд медаль гардуулна. Тэгвэл Өмнөговь аймгийн Ханхонгор сумын уугуул Монгол Улсын Байгаль орчны гавьяат ажилтан Дэмчигийн Бараадууз Монгол улсын Хөдөлмөрийн баатар цол тэмдгээр шагнагдаж байгаа сайхан мэдээ байна.  

Өдгөө нас 80 давсан Д.Бараадууз 52 насандаа аймгийн орлогч даргын албан тушаалаа хүлээлгэн өгөөд оюутан хүүхдийнхээ сургалтын төлбөрийг олохоор хөдөө гарч ногоо тарьж эхэлсэн байна. 

Д.Бараадуузын говь нутагт сүглийн хөглөрөх "Хайлааст ой"-г мэдэхгүй байгаль орчны салбарын төлөөлөл ховор бөгөөд 1992 онд эхлүүлсэн мод үржүүлгийн газар нь томоохон газар нутгийг хамарсан төгөл ой болон нутагшиж, түүний бүтээсэн агропаркаас үр суулгац авсан 500,000 орчим мод Монгол улсын 16 аймагт ургаж байна. 

Монгол улсын Хөдөлмөрийн баатар цол хүртэж буй эрхэм Д.Бараадууз танд эрүүл энх, сайн сайхан бүхнийг хүсэн ерөөж, баяр хүргэе.