Америкийн Калифорни мужийн Коркоран нэртэй хот доорх гүнийн усны хэт үрэлгэн ашиглалтаас болж маш хурдацтай газрын гүн руу сууж эхэлсэн тухай “The New York Times” сонинд нийтэлсэн байна. Коркоран хот нь 22 мянган оршин суугчтай Америкийн хувьд жижигхэн хот бөгөөд сүүлийн үед тун ч ноцтой асуудалтай тулгарч, түүнийг нь шийдэх гэж жил бүр олон арван сая доллар зарцуулдаг болжээ. Хотын эргэн тойронд байрласан хөдөө аж ахуйн компаниуд гүнийн усыг асар ихээр соруулж, тариалангийн талбайн усалгаандаа ашиглаж байгаагаас хот газрын гүн рүү 3,5 метр доош суугаад байгаа аж. Хотын байрлаж байгаа газар нутгийг эрдэмтэд хиймэл дагуул ашиглан маш анхааралтай ажиглаж байгаа бөгөөд яаралтай арга хэмжээ аваагүй нөхцөлд ойрын 19 жилийн дотор хот ахиад 3,3 метр суулт өгнө гэсэн тооцоо хийгээд байгаа юм байна. Ийм нөхцөлд гүний усны хэрэглээг хуулиар хориглохыг оролдож байгаа ч хотын ойролцоо байрласан том аж ахуйнууд усалгаандаа маш их ус шахан авч ашигласан хэвээр байгаа нь байдлыг улам дордуулж байгаа юм байна.
Сэтгэгдэл (0)
Сэтгэгдэл бичигдээгүй байна