2021/06/15
USD 2,811

PCR шинжилгээний цэгүүдэд түргэвчилсэн шинжилгээ авч эхэллээ

М.Төгөлдөр
2021/06/04

Нийслэлийн лавлагаа, мэдээллийн 1800-1200 тусгай дугаар нь иргэдэд мэдээ, мэдээллийг 24 цагийн турш тасралтгүй өгч, шуурхай үйлчилгээ үзүүлэн ажиллаж байна. Өчигдөр буюу зургадугаар сарын 3-нд иргэдээс нийт 389 дуудлага ирлээ. Нийт дуудлагын хүлээлгийн дундаж хугацаа 17 секунд, иргэнтэй ярьсан дундаж хугацаа 1.37 минут байна. Мөн “Нийслэлийн мэдээ” фэйсбүүк хуудасны чатботод нийт 26 иргэн хандсанаас 12 иргэн автомат хариулагчаас мэдээлэл авч, 14 иргэнтэй оператор ажилтан холбогдож, иргэний асуултад мэдээлэл өгч ажиллалаа.

Өнөөдөр Улаанбаатар хотод явуулын дөрөв, суурин 41 цэгт 95 багийн 520 эмч, ажилтан ажиллаж, 10260 иргэнийг дархлаажуулахаар төлөвлөсөн. Нийслэлийн хэмжээнд 18-аас дээш насны иргэдийн 953.764  нь буюу 100 хувь I тунд, 776.787  буюу 81.5 хувь II тунд хамрагдлаа.           

Иргэдийн хүсэлтээр хийх коронавируст халдвар илрүүлэх антигенд суурилсан түргэвчилсэн шинжилгээг зургадугаар сарын 3-наас шинжилгээний цэгүүдээр авч эхэлсэн бол PCR шинжилгээг зөвхөн ойрын хавьтал болсон иргэдээс авна. Шинжилгээ авах цэгүүдийн байршилд өөрчлөлт ороогүй. Түргэвчилсэн шинжилгээний сөрөг хариу нь 48 цагийн хугацаанд хүчинтэй. Хөдөө, орон нутаг зорчих иргэд тухайн аймгийнхаа Онцгой комиссын шийдвэрийг үндэслэн түргэвчилсэн болон PCR шинжилгээний хариугаар зорчино. Мөн орон нутагт зорчиж байгаа 0-17 насны хүүхдээс PCR болон түргэвчилсэн шинжилгээний хариу шаардахгүй бөгөөд эмнэл зүйн шинж тэмдэг илэрсэн тохиолдолд заавал түргэвчилсэн шинжилгээ авна.

Нийслэлийн төвийн зургаан дүүрэгт суурин гурав, явуулын гурван шинжилгээний цэг ажиллаж байна. Дараах байршлуудад 09:00-12:00 цагийн хооронд шинжилгээ авч байна. Үүнд:

  1. Баянгол дүүрэг-96 дугаар цэцэрлэг
  2. Сүхбаатар дүүрэг- 143 дугаар цэцэрлэг
  3. Чингэлтэй дүүрэг-74 дүгээр цэцэрлэг
  4. Баянзүрх дүүрэг- "Тэнгэр" худалдааны төвийн гадна талбай
  5. Сонгинохайрхан дүүрэг- 5 шарын төмөр замын гармын ард байрлах "Номин" агуулах худалдааны гадна талбай
  6. Хан-Уул дүүрэг- Буянт-Ухаа спорт цогцолборын гадна талбай

НИЙСЛЭЛИЙН ҮЙЛЧИЛГЭЭНИЙ НЭГДСЭН ТӨВ


Сэтгэгдэл (5)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
122.201.31.86
Буян ухаад очоод өчигдөр номёр тараасан зөвхөн 100 ш шинжилгээ авна гэсэн . Сэжигтэй болон өвчтэй улс өөртөө бүрэн шинж тэмдэг илэртэл гадуур хамаагүй явж бнашдээ.Сонгуулийн дараа жинхэнэ сүйрэл болно
Хариулах
66.181.161.81
5 сарын 31 нд өглөө эрт Тэнгэр төвийн гадна талбайд шинжилгээ өгөх гэж очиход 200 аад хүмүүс оочерлосон байсан бөгөөд нэмэгдсээр 350 аад хүн болсон ч өдөрт 150 хүний л шинжилгээ авч байгаа....гээд нэрс бичээд 150 аар тасалсан. Уг нь энд шинжилгээ өгөх гэж ирсэн бүх хүмүүсээс шинжилгээг нь аваад байдаг бол халдварыг хумьж авахад нэмэртэй л баймаар. 150 д багтаагүй хүмүүс шинжилгээ өгөх газар хайгаад л яваад байгаа бол халдвартай хүн байвал тараагаад л явах нөхцөл байдал үүсэж магадгүй юм бна лээ.
Хариулах
192.82.80.104
Үнэхээр ингэж халдвар ихсээд байна уу аль эсвэл ????
Хариулах
103.140.11.52
МАН,АН,ЗГ, УОК,СЕХ СОНГУУЛИА БОЛИОЧ ЭЭ ИРГЭД ЧИНЬ ҮХЭЭД КО ТЭМЦЭЭД ДИЙЛЭХГҮЙ БНА. ХҮҮК ЭРДЭНЭ ЭНХБАТ ГЭСЭН 3НӨХӨР КО ТАРААГААД ХҮН ЦУНЛУУЛААД ХАРИУЦЛАГА ЯРИАЧ АМАРСАЙХАН ДАРГА ЭНЭ НАМ БУРУУГАА ХҮЛЭЭГЭЭД СОНГУУЛИА ХОЙШЛУУЛААЧ
Хариулах
192.82.72.202
Huduu oron nutag ywah geheer pcr shaardaad bn haana uguh yum be eniigee shiidej uguuchee
Хариулах