Билл Гейтс, Уоррен Баффет гэсэн дэлхийд алдартай тэрбумтнууд нь “TerraPower” ба “PacifiCorp” гэдэг цөмийн эрчим хүчний салбарт судалгаа явуулдаг компани эзэмшдэг гэдгийг хүмүүс тэр бүр мэддэггүй байх. Америкийн энэ хоёр тэрбумтан өөрсдийн компаниудын судалгаан дээр үндэслэн хурдан нейтроноор ажилладаг шинэ үеийн цөмийн реактор бүтээхээр ажиллаж байгаа юм байна. Тэд шинэ цөмийн реактороо хаана байрлуулахаа сонгосон тухайгаа албан ёсоор мэдээлжээ. Шинэ цөмийн станцыг Вайоминг муж дах хуучин нүүрсний уурхайн газар байгуулахаар болсон байна.
Билл Гейтс “Natrium” гэж нэрлэсэн шинэ реакторыг дэлхийн эрчим хүчний салбар дах тоглоомын дүрмийг бүрэн өөрчилнө гэж мэдэгдсэн байна. Хоёр тэрбумтны санаачилгыг Вайоминг мужийн амбан захирагч ч дэмжиж байгаа аж. Америкийн эрчим хүчний яам шинэ реакторыг бүтээх ажилд нэмэр болгож, “TerraPower” компанид 2020 онд 80 сая доллар өгчээ. Шинэ реактор нь нийт тэрбум орчим доллароор бүтэх аж.
Энэхүү шинэ цөмийн цахилгаан станц нь хурдан нейтроноор ажилладаг реактортой, натрийн дулаан тээгчтэй, давсны уусмал бүхий эрчим хүч нөөцлөгчтэй, 500 мегаватт хүчин чадалтай байх юм байна. Хамгийн гол нь баяжуулсан уранаар ажилладаг хуучин станцуудыг бодвол агуулга багатай уран ашиглан нэг удаагийн цэнэглэлтээр ямар ч хаягдал гаргалгүйгээр 60 жил ажиллах боломжтой байх аж.
Сэтгэгдэл (0)
Сэтгэгдэл бичигдээгүй байна