Маргааш буюу зургаадугаар сарын 9-нд Ерөнхийлөгчийн сонгуулийн санал хураалт явагдана. Харин өнөөдөр зөөврийн битүүмжилсэн хайрцгаар 09:00-20:00 цагийн хооронд санал авах ажиллагааг орон даяар зохион байгуулж байна.
Энэ удаагийн ээлжит сонгууль нийт 25,000 гаруй сонгогч зөөврийн хайрцгаар санал өгөх юм. Сонгогчийн хүсэлт, эмнэлгийн магадалгаа, эсвэл холбогдох байгууллагын тодорхойлолтыг үндэслэн дараах иргэд зөөврийн хайрцгаар санал өгөх эрхтэй. Үүнд:
- Эрүүл мэндийн байдлын улмаас санал авах байранд өөрийн биеэр очиж чадахгүй сонгогч;
- Дайчилгааны тухай хуульд заасны дагуу нийтийн дайчилгаанд хамрагдан ажиллаж байгаа сонгогч;
- Зөрчлийн улмаас баривчлагдсан сонгогч;
- Эрүүгийн хэрэг хянан шийдвэрлэх тухай хуульд заасны дагуу баривчлагдсан, цагдан хоригдсон сонгогч;
- Зэвсэгт хүчин, хилийн ба дотоодын цэргийн анги, салбарт алба хааж байгаа энэ хуулийн 19.6.4, 19.6.5, 19.6.6-д заасны дагуу мэдээллийг нь хүргүүлсэн сонгогч хамаарна.
Сэтгэгдэл (0)
Сэтгэгдэл бичигдээгүй байна