2021/06/25
USD 2,811

Австрали хулганы нүүдэлд дайрагдаад байна

М.Төгөлдөр
2021/06/08

Австралийн Шинэ өмнөд Уэлс, Квинсленд, Виктория зэрэг мужууд нь хулганын нүүдлийн хөлд өртөөд байгаа тухай хэвлэл мэдээллийн хэрэгслүүд мэдээлж байна. Хулганын нүүдлийн хэмжээний талаар нутгийн иргэд ярихдаа “хулганаар бороо орж байна”, “хулганын тахал болж байна” гэх зэргээр тодорхойлж байна. Үнэхээр ч хулганын нүүдлийн хэмжээнд ухаан санаанд багтамгүй их байгаа аж. Хулганууд хэдэн тэрбумаараа фермүүдийн ойролцоо үүрлэж фермерүүдийн хураасан ургацыг цөлмөж, хоолгүй болсон үедээ нэгнээ барьж идэж байгаа аж.

Австралийн хөдөө аж ахуйн сайд Адам Маршал нь хэрэв хавар болохоос өмнө дийлэнх хулганын устгалд оруулж амжихгүй бол нүүдлийн хөлд өртсөн мужуудад эдийн засгийн болон нийгмийн гүн хямрал үүсэж болзошгүй гэж мэдэгджээ.

Тухайн мужуудад сүүлийн хэдэн сарын турш турш хүчтэй бороо орсноо залгаж маш хүчтэй ган болсон, өмнөх чийглэг үеэс болоод Австрали нь түүхэндээ байгаагүй их хэмжээний үр тарианы ургац хураагаад байсан гэх мэт цаг агаарын болон хүний үйл ажиллагааны таатай нөхцөл хавсарч бүрэлдсэнээс болоод хулгана ингэтэл их хэмжээгээр үржсэн гэж үзэж байгаа аж. Хулганын нүүдлийг зогсоохын тулд Засгийн газраас бромадиолон нэртэй хүчтэй хор ашиглахыг зөвшөөрч, цаашид хулганыг үр тогтоох боломжгүй болгох “генийн био хяналт” гэж нэрлэгдсэн тусгай технологи боловсруулахад 50 сая доллар төсөвлөхөөр болжээ.


Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
185.250.221.173
Манайд бас хэт их бороодсоноос болж шумуул цагаасаа эрт гарлаа.
Хариулах
192.82.87.215
Хятад болжмороо устгаад буцааж импортолсон гэдэг тэрэн шиг юм болох вий дээ.
Хариулах