АНУ нь манай урд хөршид улс төр, эдийн засгийн гээд төрөл бүрийн дарамт шахалт үзүүлсэн хэвээр байна. Энэ удаад Америкийн Конгрессын гишүүд болох Майкл Маккол, Майк Галлахер, Том Малиновски нар нь Өвлийн олимпын тоглолтын Бээжингээс өөр газар, өөр улс руу нүүлгэхийг Олон улсын Олимпын хорооноос шаардах тухай тогтоолыг батлуулахаар оруулж ирсэн байна. Бээжин нь Шинжааны уйгуруудын эрхийг тогтмол зөрчиж, яс үндэс ба шашин шүтлэгээр ялган гадуурхаж хэлмэгдүүлэлт явуулж байгаа тул ийм арга хэмжээ авах ёстой гэж тайлбарласан байна.
Ер нь Өвлийн олимпын тоглолтыг Хятадаас өөр улс руу шилжүүлэх тухай саналыг анх АНУ-ын Сенатын гишүүд гаргаж ирсэн юм. Түүнээс хойш Хятадтай түнжин хагарахын хэрээр Канад, Норвегийн улс төрчид, олон улсын хэмжээнд үйл ажиллагаа явуулдаг хүний эрхийг хамгаалах 200 гаруй байгууллага нь Олимпын Бээжингээс шилжүүлэхийг уриалах болсон.
XXIV Өвлийн олимп нь 2022 оны хоёрдугаар сарын 4-20 өдрүүдэд Бээжин хотноо явагдах юм.
Сэтгэгдэл (0)
Сэтгэгдэл бичигдээгүй байна