Монгол улсын Ерөнхий сайд Л.Оюун-Эрдэнэ хөгжлийн бэрхшээлтэй иргэдийг дэмжих цогц бодлого боловсруулахыг өнөөдрийн засгийн газрын хуралдааны үеэр холбогдох яамдуудад чиглэл өгсөн юм. Харин хуралдааны үеэр Ерөнхий сайдын нийгмийн хөгжлийн асуудал хариуцсан орон тооны бус зөвлөхөөр Ч.Ундрахбаяр томилсон байна. Түүний хувьд “Түгээмэл хөгжлийн бэрхшээлтэй”, “Бие даан амьдрах төв”-ийн тэргүүнээр ажилладаг юм.
Ерөнхий сайд өнгөрөгч пүрэв гарагт 108 мянган хөгжлийн бэрхшээлтэй иргэдийн төлөөлөлтэй уулзалт хийж тулгамдаж буй асуудлыг нь сонсож байсан. Энэ үеэр хөгжлийн бэрхшээлтэй иргэдийн зүгээс тэргэнцэртэй иргэд зорчих автобустай болох, явган хүний зам дагуу тэргэнцэртэй иргэдэд зориулсан зам байгуулах, телевизүүдийн хөтөлбөрийг дохионы орчуулгатай болгох зэрэг саналыг илэрхийлж байсан юм. Тиймээс Ерөнхий сайд хөгжлийн бэрхшээлтэй иргэдийн асуудал хариуцсан зөвлөхөөр тэдний төлөөллөөс авч ажиллуулна гэж мэдэгдэж байсны дагуу Ч.Ундрахбаярыг орон тооны бус зөвлөхөөрөө ажлуулахаар болсон байна.
Сэтгэгдэл (0)
Сэтгэгдэл бичигдээгүй байна