2021/06/15
USD 2,811

Загасны аман дотор амьдарч, хэлийг нь орлодог шимэгч амьтан

М.Төгөлдөр
2021/06/08

Өмнөд Африкийн Кейп Таунаас гаралтай 27 настай Дон Маркс Кейп-Агулхасын ойролцоо загасчилж байхдаа 2.7 кг жинтэй загас барьж, амнаас нь туйлын хачин амьтан олжээ.

Хэлээр хооллодог шимэгчийн тухай эрдэмтэд мэддэг байсан боловч сүүлийн жилүүдэд л тэдний амьдралын мөчлөг, зан авирын талаар өргөн хүрээтэй судалгаа хийж эхэлсэн юм. Бүх хэлний шимэгч эр хүйстэй бөгөөд тохирсон загас олохын тулд далайд хөвж амьдардаг гэнэ. Одоогоор тогтоогдоод байгаа 280 гаруй төрлийн хэлний шимэгч өөр шимэгчгүй бол шууд хэлэнд нь наалддаг гэнэ. Урд хумсаа ашиглан уг амьтан загасны хэлний судсыг тайрч, дараа нь загасны цусаар хооллож эхэлдэг байна. Ингээд шимэгч эмэгтэй болж хувирдгаар барахгүй, бие нь томорч хөлтэй болдог аж.

Мөн шимэгч цаашид хөдөлгөөн хийх шаардлагагүй болох тул нүд нь нарийсдаг байна. Загасны хэл эцэст нь үхжиж, цусгүй болж сулран унахад шимэгч хорхой хэлийг нь орлож бүрэн наалддаг аж. Энэ бол одоогийн байдлаар мэдэгдэж буй эзнийхээ эрхтний үйл ажиллагааг бүрэн орлож чаддаг цорын ганц шимэгч юм.


Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.160.1
бүх юмыг намчирхаж харахаа болиоч
Хариулах
203.91.115.53
МАН шиг паразит бна даа.
Хариулах
66.181.161.119
shimegch geed bichtsen bhad shimegch yum bishuu gejuu,,,
Хариулах
202.55.191.194
parasyte юм бишүү хха
Хариулах