Г.Ёндон: Шатахууны үнийг нэмэхгүй, бид импортлогч компаниудтайгаа тохиролцсон

Шатахууны үнийг нэмэх тухай мэдээлэл гарсантай холбоотойгоор Уул Уурхай Хүнд Үйлдвэрийн Сайд Г.Ёндонгоос тодруулахад “Шатахууны үнийг нэмэхгүй, бид импортлогч компаниудтайгаа тохиролцсон. Компаниудын зүгээс үнэ нэмэх саналаа удаа дараа гаргаад байгаа нь үнэн” гэлээ. 

Мөн тэрээр "Компаниуд литр тутамдаа 500-600 төгрөгийн алдагдал хүлээж байгаа, тиймээс ийм хэмжээнд нэмэх саналаа ирүүлээд байгаа юм. Харин УУХҮЯ-ны зүгээс цар тахлын үед иргэдийн нуруунд дарамт учруулахгүй байх үүрэг чиглэлийг өгсөн" гэв. 

Шатахууны үнэ нэмэгдэх тухай мэдээллийн улмаас шатахуун түгээх станцуудад ачаалал үүсээд байна.