2021/07/27
USD 2,811

Н.Жокович хааныг талбайд нь хожив

М.Төгөлдөр
2021/06/12

Мэргэжлийн талбайн теннисний Ролан Гаррос буюу Францын Их дуулга тэмцээний хагас шигшээд учраа таарсан Р.Надал болон Н.Жокович нарын тоглолт боллоо. Тэмцээний хагас шигшээд дэлхийн чансааг тэргүүлэгч Сербийн Н.Жокович дөрвөн сетэд 3-6, 6-3, 7-6, 6-2 харьцаагаар Р.Надалыг хожиж шувтрагын шатанд шалгарсан байна.

Дэлхийн хоёр шилдэг теннисчдийн “тулаан” спорт сонирхогчдын анхаарлын төвд байсан бөгөөд 58 удаагийн тоглолт Францын Их дуулга тэмцээний хагас шигшээ тоглолт байсан. Шороон талбай бол Испанийн Р.Надалын хамгийн сайн тоглолтоо гаргадаг корт. Энэ ч утгаараа Р.Надал Францын Их дуулга тэмцээнд 13 удаа түрүүлснээс гадна АТР-н шороон талбайд зохиогддог тэмцээнүүдэд өндөр амжилт үзүүлдэг тул “Шороон кортны хаан” хэмээх алдар хүндийг хүртсэн.

“Шороон кортны хаан” Р.Надал өөрийнхөө хамгийн сайн тоглодог шороон талбайтай Францын Их дуулга тэмцээнд 2021 оноос өмнө 16 удаа оролцохдоо 13 удаад нь түрүүлсэн бол 2016 онд 3-р шатанд бэртлийн улмаас тэмцээнийг орхисон. Харин тэр ердөө хоёр удаа буюу 2009 оны 4-р шатанд Шведийн Р.Содерлингт, 2015 оны дунд шөвөгт хүчтэй өрсөлдөгч Н.Жоковичид хожигдсон. Ерөнхийдөө Францын Их дуулга тэмцээнд 2 удаа л хожигдсон байдаг.

Харин 2021 оны Францын Их дуулга тэмцээнд Н.Жокович “Шороон кортны хаан”-ыг талбайд нь хожиж шувтрагын тоглолтонд шалгарлаа. Тоглолтын дараа Н.Жокович “энэ тоглолт миний замналын ТОП-3 тоглолтын нэг байлаа” хэмээн сэтгэгдлээ илэрхийлсэн байна. Ялалт байгуулсан Н.Жокович шувтрагын шатанд Грекийн С.Циципастай тоглоно.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна