Европын хөлбөмбөгийн АШТ-ний хэсгийн тоглолтууд үргэлжилж байна. Урьд шөнө А хэсгийн Швейцарь-Уэльс, В хэсгийн Финланд-Дани, Бельги-Оросын багуудын тоглолт болсон.
А ХЭСЭГ:
Уэльс 1-1 Швейцар
Гоол: К.Мур 74’, Б.Эмболо 49’
Шар хуудас: К.Мур 47’, Ф.Шер 30’, К.Мбабу 63’
Уэльс: Д.Уорд, К.Робертс, К.Мефам, Ж.Родон, Д.Дэвис, Ж.Моррелль, Ж.Аллен, А.Рамси (И.Ампаду 90+3’), Д.Жеймс (Д.Брүкс 75’), Г.Бэйл, К.Мур
Швейцар: Я.Зоммер,К.Мбабу, Н.Эльведи, Ф.Шер, М.Аканжи, Р.Родригес, Ж.Шакири (Д.Закариа 66’), Х.Сефирович (М.Гавранович 84’), Б.Эмболо
А хэсгийн 2 дахь тоглолт болж тэнцээгээр өндөрлөлөө. Тоглолтын эхний гоолыг Швейцарын залуу довтлогч Б.Эмболо оруулсан бол Уэльсийн шигшээ багаас 74 дэх минутанд К.Мур тэнцээний гоолыг оруулсан. Ингээд А хэсгийн эхний тойргийн дараах байдлаар Итали тэргүүлж, Уэльс, Швейцарын багууд тус бүр 1 оноотой удаалж байгаа бол Туркийн шигшээ баг оноо авч чадаагүй байна.
В ХЭСЭГ:
Финланд 1-0 Дани
Гоол: Й.Похьянпало 59’
Шар хуудас: Р.Лод 4’, Т.Спарв 51’
Финланд: Л.Градецкий, Й.Уронен, Д.О’Шонесси, Д.Араюури, Й.Тойвио, Ю.Райтали (Л.Вяйсянен 90’), Г.Камар, Т.Спарв (Р.Шуллер 76’), Р.Лод, Т.Пукки(Й.Кауко 76’), Й.Похьянпало (М.Форсс 84’)
Дани: К.Шмейхель, Й.Мехле, А.Кристенсен, С.Кьер (Я.Вестергор 43’), Д.Васс (Й.Ларсен 75’), Т.Дилейни (А.Корнелиус 76’), П.Хейбьер, К.Эриксен (М.Йенсен 43’), Ю.Поульсен (Й.Винд С.Ольсен 63’), М.Брейтуэйт
В хэсгийн Дани-Финландын тоглолт хөлбөмбөгийн ертөнцийг багагүй цочирдууллаа. Тоглолтын эхний үе өндөрлөхөд хэдхэн минут дутуу байхад Дани хагас хамгаалагч К.Эриксен талбай дээр ухаан алдаж 20 орчим минут анхны тусламжийн баг ажилласан. Тухайн үед Данийн шигшээ багийн ахлагч С.Кьер багийн лидер гэдгээ олон үйлдлээрээ харуулаад зогсохгүй багаа маш сайн зохион байгуулж чадсан. Талбай дээрх К.Эриксений гэнэтийн үйл явдал спортын салбарын олон тамирчдыг сэтгэл нэгдэн, хамт байгаагаа илэрхийлсэн үйл явдал болсон. Ингээд К.Эриксенийг орон нутгийн эмнэлэг рүү авч явсны дараа хэсэг хугацаанд завсарласан тоглолт үргэлжилсэн бөгөөд Финландууд Й.Похьянпалогийн гоолоор ялалтыг авсан. Й.Похьянпалогийн гоол Финландын шигшээ багийн хувьд том тэмцээнд авсан анхны ялалт байсан хэдий ч тэр гоолы баяраа тэмдэглэлгүйгээр өрсөлдөгч багтаа хүндэтгэлтэй хандсан нь энэ тоглолтын бас нэгэн сэтгэл хөдөлгөм үйл явдал байсан.
Бельги 3-0 Орос
Гоол: Р.Лукаку 10’, 88’, Т.Менье 34’
Бельги: Т.Куртуа, Т.Алдервейрелд, Д.Бойата, Я.Вертонген (Т.Вермален 77’), Т.Кастань (Т.Менье 27’), Л.Дендонкер, Ю.Тилеманс, Т.Азар, Д.Мертенс (Э.Азар 73’), Р.Лукаку, Я.Карраско (Д.Прат77’)
Орос: А.Шунин, М.Фернандес, А.Семёнов, Г.Жикия, Ю.Жирков (В.Караваев 43’), Д.Баринов (И.Дивеев 46’), М.Оздоев, Р.Зобнин (М.Мухин 63’), А.Головин, Д.Кузяев (Д.Черышев 29’), А.Жюба
Бельгийн шигшээ баг Э.Азар, К.де Бройне гээд шилдэг тоглогчид нь бэртэлтэй байгаа ч эхний өрсөлдөгчөө хожиж гурван оноогоо авлаа. Италийн Интер Милан клубт данстай Р.Лукаку энэ жилийн Европын аваргын анхны дублээ хийсэн бол Т.Менье сэлгээгээр талбайд орж ирээд 8 минутын дотор гоол оруулсан. Энэ тоглолтонд багийн ахлагч Э.Азар сэлгээнээс тоглохдоо 20 орчим минут тоглосон. Дараагийн тоглолтонд гараанд гарч тоглох болов уу?
Сэтгэгдэл (0)
Сэтгэгдэл бичигдээгүй байна