АНУ-ын Ерөнхийлөгч Жо Байден маргааш ОХУ Ерөнхийлөгч Владимир Путинтэй уулзаж хэлэлцээр хийх гэж байна. Харин АНУ-ын улс төрийн өндөрлөгт энэхүү уулзалтыг эсэргүүцсэн, дургүйцсэн нөлөө бүхий бүлэглэл тун идэвхтэй ажилласан хэвээр байгаа юм. Иймдээ ч хэдхэн долоо хоногийн өмнө түүнийг ярилцлага өгөх үеэр Ерөнхийлөгч Путиныг “алуурчин” гэж боддог уу гэсэн асуулт тавихад тэрээр барьц алдаж “тийм” гэж хариулсан. Ийм хариулт олон нийтийг ихэд гайхшируулсан. Удахгүй нүүр тулж уулзах хүнийг “алуурчин” гэж нэрлэчхээд яаж уулзаж, юу хэлэлцэх гэсэн юм бол гэж бүгд гайхсан.
Энэ удаад Жо Байденыг НАТО-ийн чуулга уулзалтын дараа хэвлэлийн хурал хийх үеэр Путиныг “алуурчин” гэж хэлсэнд Путин юу бодож байгаа талаар тайлбар хийхийг хүсжээ.
Байден тун хүнд байдалд орж ойлгомжгүй зүйл бувтнаж байснаа “Шууд эфирт байх үед надаас энэ тухай асуухад би шударгаар хариулсан. Гэхдээ би энэ хариулт удахгүй болох уулзалтад хүчтэй нөлөөлнө гэж бодохгүй байна” гэжээ. Үүний дараа Путин өөрийг нь “алуурчин” гэж хэлснийг сонсоод инээсэн тухай сануулахад Байден “Би ч бас инээсэн шүү” гээд “Оросын Ерөнхийлөгч өөрийнх нь тухай дэлхийн нийтийн бодлыг өөрчлөх нь өөрт нь ашигтай гэдгийг ойлгох байх” гэж хариулжээ.
23°C
Сэтгэгдэл (0)
Сэтгэгдэл бичигдээгүй байна