НАТО –ийн Ази тив дэх хамгийн том гишүүн улс болох Турк нь эвслийн хамгийн гол дайсан ОХУ-аас агаарын довтолгооноос хамгаалах С-400 систем худалдан авч, ашиглах гэж байгаа явдал эвслийн гишүүн улсууд, АНУ-ын толгойн өвчин болоод удаж байна. АНУ нь Туркийг С-400 системээсээ татгалзах, устгахгүй юм гэхэд ашиглахгүй байхыг удаа дараалан шаардаж, хориг арга хэмжээ хүртэл аваад байгаа юм. Хориг арга хэмжээний хүрээнд Турк улсад тав дах үеийн сөнөөгч F-35 –ыг нийлүүлэхээ зогсоосон.
Брюссель хотноо өчигдөр болсон НАТО-ийн чуулга уулзалтын үеэр Туркийн Ерөнхийлөгч нь АНУ-ын Ерөнхийлөгч Байдентай уулзахад ярианы нэг гол сэдэв нь Оросын С-400 болсон байна. Гэвч Эрдоган нь С-400-ийн талаар байр сууриа өөрчлөхгүй, АНУ-ын шаардлагыг биелүүлж, С-400-ээс татгалзахгүй гэж мэдэгджээ. Тэрээр “Зенитийн пуужингийн С-400 системийн нийлүүлэлтийн талаарх Туркийн байр суурь өөрчлөгдөөгүй хэвээр. Би энэ тухай Ерөнхийлөгч Байдкнд мэдэгдсэн. F-35-ын хөтөлбөрийн хувьд ч мөн адил” гэжээ.
АНУ нь С-400 системийг НАТО-ийн агаарын дайралтаас хамгаалах системд холбосны дараагаар F-35 гэх мэт сүүлийн үеийн байлдааны онгоцнуудын талаарх нууц мэдээллийг ОХУ руу сэм дамжуулж, НАТО-ийн гишүүн орнуудын аюулгүй байдалд ноцтой хохирол учруулж болзошгүй гэж үзэж байгаа аж.
Сэтгэгдэл (0)
Сэтгэгдэл бичигдээгүй байна