Монгол Улсын Ерөнхий сайд Л.Оюун-Эрдэнэ ОХУ-аас Монгол Улсад суугаа Элчин сайд И.К.Азизовыг хүлээн авсан уулзалтын үеэр цар тахлын нөхцөл байдалд хамтын ажиллагааны эрчийг сулруулахгүй хэвийн явуулах тал дээр санал солилцож байсан.
ОХУ-аас “Спутник-V” вакцины 1 сая тунг худалдан авах гэрээ байгуулсныг үндэслэн вакцин нийлүүлэлтийн хуваарийг тодорхой болгох, нийлүүлэлтийн үйл ажиллагааг шуурхай хэрэгжүүлэх нь чухал байгааг онцолж байсан юм. Тэгвэл өнөөдрийн байнгын хорооны хуралдааны үеэр Спутник V вакцины хоёрдугаар тунг хэзээ нийлүүлэх талаар ОХУ-аас тодорхой хариу өгөхгүй байгаа тухай мэдээллээ.
ОХУ-аас ирсэн албан ёсны хариултад вакцины үйлдвэрлэл удаашралтай байгаа учир хэзээ нийлүүлт хийгдэх нь тодорхойгүй байна. Спутник V вакцины эхний тунг хийлгэсэн иргэд давтан тунгаа 21-ээс 90 хоногийн хооронд хийлгэх ёстой. Хэдий чинээ хойшоо давтан тундаа хамрагдана түүнээс шалтгаалж дархлаа сайн тогтох учиртай гэдэг хариултыг ОХУ-аас ирүүлсэн гэдгийг мөн хэлсэн юм.
Сэтгэгдэл (0)
Сэтгэгдэл бичигдээгүй байна