НБА-н шинэ улирлын өмнө аваргын гол фаворитаар нэрлэгдэж байсан Брүүклин Нэтс баг “нуман тулгуурт” орлоо. Брүүклин Нэтс багийн К.Ирвинг, Ж.Хардан нарын багийн шилдэг тоглогчдын бэртэл багийн мөрөөдлийг үгүй хийхэд ойрхон болоод байна. Ийм ч учраас сүүлийн хоёр тоглолтод Ж.Харден талбайд гарч багтаа тус хүргэхийг хичээж байна.
Өнөөдөр хоёр багийн цувралын 6 дахь тоглолт болж Грек залуу Яннис Антэтокунмпогоор удирдуулсан Милоуки Бакс баг 104-89 харьцаагаар Брүүклин Нэтс багийг хожиж цувралыг 3-3 болгон тэнцүүлэв. Хожил авсан Милоуки багаараа сайн хамгаалж байсан бөгөөд талбайд гарсан тоглогчид хамтдаа +15 оноотой байсан бол эсрэгээрээ Брүүклин Нэтс баг -15 оноотой байна. Милоуки Бакс багаас К.Миддлетон 38, Яннис 30 оноо, Ж.Холидэй 21 оноо авч багаа тэргүүлсэн. Мөн Милоуки Бакс багийн гараанд гарсан тоглогчид бүгд хамгаалалтаар + оноотой байсан. Харин тэдний өрсөлдөгч Брүүклин Нэтс багаас К.Дюрант 32 оноо авсан ч түүнийг талбайд байхад баг нь 25 оноо алдаж байсан. Мөн Ж.Харден 16, Б.Гриффин 12 оноо авсан. Ийнхүү хоёр багийн тоглолтын цуврал 7 дахь тоглолтоор шийдвэрлэгдэх болж байна.
Сэтгэгдэл (0)
Сэтгэгдэл бичигдээгүй байна