Эхний тунгаа тариулсан хүүхдүүдэд 50 мянган төгрөгийн урамшуулал олгож эхэлсэн гэж Сангийн яамнаас мэдээллээ.
Засгийн газрын тогтоолд “Дархлаажуулалтад хамрагдсан иргэн бүрд 50 мянган төгрөгийн урамшуулал олгоно” гэж заажээ. Энэ дагуу хүүхдүүдэд энэхүү урамшууллыг олгоно. Ингэхдээ заавал бүрэн тунд хамрагдахыг хүлээлгүй эхний тунгаа тариулсны дараа хүүхдийн мөнгө олгодог данс руу нь шилжинэ.
Япон улсын буцалтгүй тусламжаар манай улс өнгөрсөн долоо хоногт Файзер вакцины 28,240 тунг хүлээн авсан билээ. Энэхүү вакцинаар жирэмсэн эхчүүд болон хүүхдүүд, зорилтот бүлгийн иргэдээ дархлаажуулж байна.
Сэтгэгдэл (0)
Сэтгэгдэл бичигдээгүй байна